Ballina / EKOLOGJI / Zjarret në Amazonë nuk janë rastësore

Zjarret në Amazonë nuk janë rastësore

Në  40 miliardë ton të CO2 çdo vit vetëm Amazona thith 2 miliardë ton në vit

Flitet se Amazona prodhon 20 për qind të oksigjenit në botë pavarësisht se shkencëtarët thonë se shifra është e gabuar dhe se furnizimi me oksigjen nuk është në rrezik të drejtpërdrejt në asnjë rast.

Kjo, sepse pyjet, përfshirë Amazonën, thithin përafërsisht të njëjtën sasi oksigjeni që prodhojnë. Por kjo, nuk do të thotë se zjarret nuk janë problem për planetin.

Zjarret në Amazonë kanë ndezur një mori polemikash ndërkombëtare, por cilat janë pasojat e tyre?

Amazona është një absorbues i rëndësishëm i dioksidit të karbonit, që shkakton efektin serë aq sa pyjet e Amazonës shpesh quhen edhe “mushkëritë e planetit”.

Aktualisht, bota lëshon rreth 40 miliardë ton dioksid karboni në atmosferë çdo vit. Amazona thith 2 miliardë ton në vit (ose 5% të emetimeve vjetore), duke e bërë atë një pjesë thelbësore për të parandaluar ndryshimet klimatike.

Dhe zjarret në Amazonë, jo vetëm po zhdukin sipërfaqe që thith dioksidin e karbonit, por vetë ato po çlirojnë me miliona tonë karbon cdo ditë. Sipas shkencëtarëve, jemi afër një pike kthese që do ta shndërronte xhunglën në një savanë tropikale, shkruan tch.

Pyjet e riciklojnë ujin e vet për të prodhuar një pjesë të shiut në rajon, kështu që shpyllëzimi bën që shirat të jenë më të rralla, duke zgjatur sezonin e thatë. Nëse 20 deri 25% e pyllit shkatërrohet, sezoni i thatë do të zgjerohet, kështu që nuk do të jetë më një pyll, por një savanë.

Zjarret në Amazonë, nuk janë rastësore. Ato po shkaktohen nga dora e njeriut, kryesisht në mënyrë të paligjshme për të hapur toka për bagëti dhe të mbjella.

Shpyllëzimi i Amazonës është inkurajuar edhe nga politikat e presidentit brazilian, Jair Bolsonaro, që ka ulur fuqinë dhe autonominë e agjencive për mbrojtjen e pyjeve.

 

Provo po ashtu

obiliqi, kosova, prishtina, agjencia e mjedisit

Fejton: Bujqësia urbane, një koncept i ri jetese, një mënyrë e re e të ushqyerit (6)

Bimët që ushqehen me tym oxhaqesh, gazra të automjeteve, tym nga elektranat e Obiliqit…dhe lirojnë …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.