Zgjohet në morg pasi kishte pirë shumë, ja çbën

Një person me Rusi që kishte pirë shumë, u mor gabimisht si i vdekur. Gazeta lokale Khasanskiye Vesti, shkruan se miqtë e tij thirrën një ambulancë dhe personeli mjekësor me ngut e deklaroi si të vdekur duke e dërguar në morg.

Megjithatë, ai përfundimisht u kthye në jetë, duke e gjetur veten në një frigorifer morgu.

“Atë natë morgu ishte i mbushur në kapacitetin e tij, trupat nuk ishin vetëm në rafte, por edhe në dyshemenë e dhomës frigorifer, ku ishte vendosur edhe personi në fjalë”, i tha gazetës Aleksey Stoyev, një zëdhënës i policisë.

“Në një moment, ai u zgjua, duke mos e ditur se ku ishte. Dhoma ishte shumë e errët dhe e ftohtë. Përveç kësaj ai nuk ishte në vetëdije për shkak të ndikimit të alkoolit. Në errësirë, ai ndjeu gjymtyrët e dikujt krejtësisht të ftohta dhe me frikë nxitoi te dera. Por ajo ishte e mbyllur”.

Ai filloi të ulërinte për ndihmë dhe të trokasë në derë. Thirrjet e tij tërhoqën vëmendjen e rojeve të morgut, të cilët raportuan te mjekët. Ndërsa, këta të fundit njoftuan policinë, raporton gazeta.

Hapja e derës nga policia bëri që ata të takohen me njeriun e “ringjallur”, që në panik doli nga dhoma, thuhet në raportin e policisë, të cilët pasi e kishin marrë atë në pyetje e kishin liruar.

Ai u kthye në vendin e ahengut, ku gjeti shokët e tij ende të dehur. Personi që i hapi derën ishte tronditur dhe i kishte rënë të fikët, shkruan gazeta lokale. Më pas ata iu kthyen sërish festës, për të festuar rikthimin në jetë të të riut.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.