rrethi flamuri prishtina kosova

Vidhet flamuri shtetëror te “Rrethi”

Janë ndërlikuar përpjekjet për vendosjen e flamurit shtetëror të Kosovës te “Rrethi”, në hyrje të Prishtinës. Derisa zjarrfikësit po bëheshin gati ta ngjitnin lartë, pak pasi e hoqën flamurin kombëtar, flamuri shtetëror është vjedhur.

Në ndërkohë është shtuar numri i qytetarëve dhe është shtuar edhe qarkullimi i veturave te “Rrethi”.

Pas gati dy orëve përpjekje, është arritur që të zbritet në tokë flamuri kombëtar te “Rrethi”, në hyrje të Prishtinës, që më pas të zëvendësohet me flamurin shtetëror të Kosovës.

Menjëherë pas heqjes së flamurit kombëtar shqiptar kanë reaguar ashpër disa qytetarë, teksa policia është detyruar ta largojë njërin prej tyre me forcë.

Në vendin e ngjarjes janë parë edhe ekipet e zjarrfikësve, të cilët janë angazhuar që ta zbatojnë urdhrin e kryeministrit Ramush Haradinaj që flamuri i Kosovës të ngrihet sonte.

Mosfunksionimi i një mekanizmi për uljen e flamurit ka bërë që të thirren zjarrfikësit, për të ndihmuar në vendosjen e flamurit shtetëror të Kosovës.

Autoritetet kanë thënë se janë të vendosura ta përmbushin urdhrin e Kryeministrit të vendit, Ramush Haradinaj, për vënien e flamurit gjatë natës së sotme.

Aktivistë të Lëvizjes Vetëvendosje vite më parë e kishin larguar flamurin e Kosovës, për ta vënë atë të Shqipërisë.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.