Veseli: Për Specialen do të votojmë së shpejti

Pas Kryeministrit të Kosovës i cili theksoi se “për Gjykatën Speciale deputetët do të votojnë në qershor”, për këtë institucion të drejtësisë u prononcua sot edhe i pari i Kuvendit të Kosovës, Kadri Veseli.

Sipas Veselit “Kuvendi së shpejti do ta ketë Projektligjin për dhomat e veçanta të speciales dhe do ta votojë ate bashkë me amandamentet kushtetuese”.

“Ne ende se kemi draftligjin” tha Veseli dhe shpjegoi se ka gjasa “që Projektligji të jetë në tavolinë gjatë mbledhjes së radhës të Kryesisë”, por ai nuk ishte i sigurt për këtë.