Ballina / KRYESORE / Velipojë: Shpëtojnë nga dallgët 14 persona, në mesin e tyre disa kosovarë
shpetojne nga dallget ne velipojë

Velipojë: Shpëtojnë nga dallgët 14 persona, në mesin e tyre disa kosovarë

Policia Kufitare dhe FNSH kanë arritur të shpëtojnë 14 persona, 9 prej të cilëve shtetas çekë, të cilët kishin mbetur të bllokuar në grykëderdhjen e Vilunit në lagunën e Rrjollit në Velipojë.

Pesë shtetasit nga Shqipëria e Kosova u transportuan për në qendrën spitalore, ku gjendja shëndetësore e tyre është jashtë rrezikut për jetën.

Po në të njëjtin vend u dha ndihma dhe 9 shtetasve çekë të cilët kishin ngelur të izoluar dhe në momentin që donin të kalonin grykëderdhjen e Vilunit, jeta e tyre u vu në rrezik. Falë ndërhyrjes së policisë të 9 shtetasit kanë dalë në breg pa asnjë problem për jetën.

Njëkohësisht edhe në Sarandë, Policia Kufitare ka shpëtuar një pushues i cili u rrezikua të mbytej si pasojë e dallgëve të detit.

Policia e Shtetit të Shqipërisë, ju bën thirrje të gjithë pushuesve të tregojnë kujdes maksimal pasi deti aktualisht është i trazuar dhe me dallgë të mëdha. Policia e Shtetit sugjeron pushuesit dhe turistët që të shmangin lëvizjet me mjete lundrimi, si motor uji apo varka deri në qetësimin e detit.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.