Ballina / BOTA / Trump e shkarkon sekretarin Tillerson, në krye të Departamentit të Shtetit vjen shefi i CIA-s
trump tillerson

Trump e shkarkon sekretarin Tillerson, në krye të Departamentit të Shtetit vjen shefi i CIA-s

Presidenti i ShBA-ve, Donald Trump, e ka shkarkuar nga posti i Sekretarit të Shtetit Rex Tillersonin duke bërë me dije se në vend të tij e ka emëruar drejtorin e CIA-s, Mike Pompeo.

Për këtë shkarkim, Trump ka njoftuar nëpërmjet Twitter-it ku e ka falënderuar sekretarin Tillerson për shërbimin e tij.

Ndërkohë presidenti amerikan ka thënë se sekretari i ri Mike Pompeo do të bëjë punë të shkëlqyer.

Detyrën e Pompeos në krye të CIA-s, do ta marrë Gina Hapsel, aktualisht zëvendësdrejtore e kësaj agjencie. Ajo do të bëhet gruaja e parë që drejton agjencinë e zbulimit ndërkombëtar.

Siç shkruajnë mediet amerikane, Presidenti i kishte kërkuar shefit të diplomacisë Tillerson të jepte dorëheqjen dhe sekretari i shtetit kishte mbyllur para kohe një udhëtim në Afrikë për t’u kthyer dje në Uashington.

Veprimi i Trump vlerësohet lëvizje madhore në ekipin e sigurisë kombëtare ndërkohë që po zhvillohen negociata të rëndësishme me Korenë e Veriut.

@Fluidi

Provo po ashtu

shpend ahmeti

Ahmeti: Thaçi po tenton të evitojë Kuvendin për marrëveshjen

Kryetari i PSD-së, Shpend Ahmeti, përmes një postimi në Facebook ka thënë se presidenti Hashim …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.