Tridhjetëegjashtë përqindëshi në shansen e dytë

Në afatin e dytë të provimit të maturës  nuk ka kopjime si herëve të kaluara

Mbi 10 mijë maturantë në Kosovë sot i janë nënshtruar afatit të dytë të provimit shtetëror të maturës.

Me rastin e mbajtjes së afatit të dytë të provimit të maturës, ministri në detyrë i Arsimit, Shkencës dhe Teknologjisë, Shyqiri Bytyqi, ka vizituar “Shkollën e Mesme Profesionale” në Shtime.

Ministri në detyrë i Arsimit ka uruar të gjithë nxënësit që të kenë sukses në provimin e sotëm, ai tha se “është një organizim i mirë dhe se nuk ka kopjime si herëve të kaluara“.

Ndërsa,  kryetari i komunës së Shtimes, Naim Ismajli tha se është duke u mbajtur një test dinjitoz.

Ndryshe, në afatin e kaluar provimin e maturës e kishin kaluar 64,6 për qind e maturantëve.

Pjesa e dytë e testimit do të mbahet me 7 shtator, ndërsa nxënësit do të njoftohen me rezultatet me 16 shtator.