Info Globi Lajmet kryesore
Ministri i ri i Drejtësisë, Abelard Tahiri, duket se i ka rënë pishman që një ditë më parë, në mbledhjen e parë të Qeverisë, e vuri në pozitë të vështirë kryeministrin e ri të vendit, Ramush Haradinaj, kur ai e shkarkoi Komisionin për demarkacion, duke e pyetur se a është konsultuar me palën malaziase për ndryshime rreth procesit të demarkacionit.
Të martën, ai ka thënë se beson se kryeministri Haradinaj do ta gjejë një zgjidhje për demarkacionin me Malin e Zi.
“Unë kam besim se Haradinaj do ta menaxhojë këtë situatë dhe do të koordinohet me palën malazeze”, është shprehur ai, në një intervistë në RTK.
“Mirëpo ne duhet të jemi të kujdesshëm, jam shumë i bindur që kryeministri do të ketë çasje të kujdesshme dhe raportet nuk do të cenohen”, ka thënë Tahiri.
Ai ka shtuar se duhet gjetur një zgjidhje e përbashkët, pasi marrëveshja e njëanshme nuk funksionon.
“Qysh në fillim autoritetet e Malit të Zi kanë pasur vullnetin të gjendet një zgjidhje”, ka theksuar Tahiri.
