Ballina / TEKNOLOGJI / Sulmohen gati 50 milionë llogari në Facebook
Sulmohen gati 50 milionë llogari në Facebook

Sulmohen gati 50 milionë llogari në Facebook

Facebook tha se “gati 50 milionë” përdorues të tij i janë ekspozuar një sulmi mbi privatësinë.

Kompania tha se sulmuesit kanë shfrytëzuar cenueshmërinë e funksionit “View as” për të fituar kontroll mbi llogaritë e përdoruesve.

Shkelja u zbulua të martën, tha Facebook, për të shtuar se ka informuar policinë.

Përdoruesit që potencialisht janë prekur, është dashur të rihyjnë në faqe të premten.

Gabimi është rregulluar, tha shefi i sigurisë së firmës, Guy Rosen.

“Meqë sapo i kemi nisur hetimet, nuk e kemi përcaktuar ende nëse këto llogari janë keqpërdorur ose nëse (sulmuesit) kanë arritur te ndonjë informacion. Po ashtu, nuk e dimë se kush qëndron prapa këtyre sulmeve dhe ku ndodhen ata”, tha Rosen.

“Privatësia dhe siguria e njerëzve janë shumë të rëndësishme dhe na vjen keq që kjo ka ndodhur”, shtoi ai.

Funksioni “View As” në Facebook u lejon njerëzve të shohin se si duket profili i tyre te përdoruesit e tjerë.

@Fluidi

Provo po ashtu

iphone infoglobi

Ja si të zbuloni për 5 minuta nëse iPhone-i juaj është origjinal apo fals

Shumë njerëz kur blejnë një celular të ri duan ta dinë nëse ai është origjinal apo dikush është duke …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.