jason steinbaum, kosovo, interview

Steinbaum: Botës i duhet një Kosovë pa të këqija

Intervista me z. Jason Steinbaum, staf i Komitetit për Marrëdhënie me Jashtë i Kongresit të Shteteve të Bashkuara të Amerikës, është zhvilluar një ditë pas votimeve të 12 dhjetorit, kur ai vizitoi Kosovën si pjesë e Misionit Monitorues të zgjedhjeve , mision ky i Ambasadës Amerikane në Kosovë.

Intervistoi: Evliana BERANI

Në intervistën e dhënë për Info Globin, Steinbaum fletë për angazhimin e Kongresmenit amrikan Eliot Engel në procesin e njohjes së Kosovës shtet, pastaj për politikat e SHBA-ve dhe të BE-së në vendet e Ballkanit, për dialogun që pritet mes Prishtinës dhe Beogradit, për konceptin e vetëvendosjes dhe idenë e asaj se a duhet apo nuk duhet bashkuar Kosova dhe Shqipëria. Steinbaum ndalet edhe në çështjen e fenomenit të ri Wikileaks dhe në shumë çështje tjera. Fillimisht ai fletë për përvojat e tij gjatë monitorimit të zgjedhjeve të 12 dhjetorit.

Intervistoi: Evliana BERANI

Së voni, ne ishim pjesëmarrës me rastin e vënies së marrëdhënieve diplomatike mes Kosovës dhe Hondurasit. Aty ishte presidenti i Hondurasit Lobo. Si e dini, Kongresmeni Engel ka pasur rol në këtë proces (të vendosjes së marrëdhënieve diplomatike të Hondurasit me Kosovën v.r). Para kësaj ne ishim në ceremoninë e inaugurimit të presidentit Santos në Kolumbia. E, atje ishte prezent edhe presidenti i Hondurasit. Engël iu drejtua me fjalët ‘President ky është momenti. Është koha ta njihni shtetin e Kosovës’. Lobo me këtë rast i tha se do ta bëjë këtë, dhe e bëri. Ai e njohu Kosovën. (steinbaum)

Artikulli

infoGlobi: Më 12 dhjetor në Kosovë ishin prezent disa mijëra vëzhgues, por pak njerës e dinë se në mesin e tyre kishte edhe vëzhgues nga SHBA. I çfarë përmasave ishte ky Mision, sa njerëz u angazhuan të monitorojnë zgjedhjet nën ombrellën e Ambasadës dhe cila ishte përvoja e juaj me monitorimin?

Steinbaum: Ambasada ka sjellë njërëz nga rajoni, Shkupi, Tirana dhe ambasadat tjera. Ishin mbi 30 ekipe, ku secili kishte nga tre katër anëtarë. Secili ka vëzhguar gjendjen në 6-8 vendvotime, ku kanë qëndruar deri në mbylljen e tyre.

infoGlobi: Po, eksperienca juaj personale? Ku ishit ju? Cila ishte përshtypja juaj e parë?

Steinbaum: Kësaj radhe isha në Deçan , Junik dhe disa vende tjera. Në përgjithësi unë krijova përshtypjen se zgjedhjet kanë shkuar mirë, por keni parasysh unë isha vetëm në 9 vendvotime nga 280 sosh, kështu që mendimi im nuk mund të pasqyrojë atë se si u zhvilluan zgjedhjet në tërë Kosovën. Dua të jem shumë i kujdesshsëm, sepse nuk do të doja që dikush të mendojë se mendimi im personal përfaqëson mendimin e bashkësisë ndërkombëtare, apo të Ambasadës amerikane. Tani që e thashë këtë, mund të flas për atë që pashë më 12 dhjetor.

Unë nuk pashë asgjë që do të dukej si manpulim me votën. Pashë se njerëzit punonin bashkë, njerëz nga parti të ndryshme politike. Puna zhvillohej në një atmosferë miqësore. Mund të them se pati gjëra që mund të konsiderohen si parregullsi nga perspektiva e vëzhguesit. Po e zëmë, kam vërejtur votim familjarë, por kjo është diçka tradicionale për Ballkanin dhe do të ndryshojë me kohë.  D.m.th.,  kam parë këso parregullsi të vogla që nuk janë në përputhje me rregullat dhe standardet, por mendoj se ato nuk janë diçka që do të mund të afektonte rezultatin. Në përgjithësi, në pikat që unë vizitova, kujtoj se gjërat kanë shkuar relativisht mirë.

infoGlobi: Sa janë të rëndësishme këto zgjedhje për ardhmërinë e Kosovës?

Steinbaum:Kujtoj se sa herë që njerëzit e Kosovës mund të shprehin veten në mënyrë demokratike dhe janë në gjendje të mbajnë këtë proces në mënyrë demokratike. Me këtë ata i thonë botës dhe Evropës se Kosova është gati për t’iu bashkëngjitur familjes evropiane. Ata në këtë mënyrë i dëshmojnë SHBA-ve se përkushtimi, investimi dhe miqësia jonë këtu ishte diçka që ia vleu të bëhet. Prandaj mendoj se zgjedhjet janë shumë të rëndësishme.

infoGlobi: Nëse krahasojmë gjendjen në vendet e Ballkanit, atë të para 20 vitesh me gjendjen sot, si do ta përshkruanit ju atë?

Steinbaum: Po, para 20 vitesh, ato ishin në fillet e para të një rruge tejet të rëndë e të mundimshme. Tani kujtoj se në përgjithësi kanë marrë vetën. Gjërat po lëvizin në drejtimin e duhur. Bosnja, bie fjala, ka shumë sfida. Duket se aty gjërat janë duke stagnuar paksa. Por, në pjesët e tjera të rajonit, si në Shqipëri, Maqedoni e Mal të Zi, Kroacia që po shkon kah BE, ose Sllovenia, e pastaj Maqedonia, e cila ka ende probleme si ai me emrin dhe çështjet etnike…të gjitha këto kanë lëvizur përpara, padyshim.

Sa i përket Kosovës, unë sa herë që vij vërej progresin. I shoh ndryshimet në shumë fronte. Progresin e vërej sidomos, në çështjet në të cilat bashkësia ndërkombëtare është fokusuar shumë, siç është çështja me serbët. Kujtoj se gjendja po përmirësohet. Nga ajo që shoh, krijimi i komunave të reja ka ecur mirë, pastaj pjesëmarrja e serbëve në institucione është ngritur. Edhe nga raportet që i lexoj, po kuptoj se jeta e njerëzve është më cilësore. Fundja, çdo gjë ka të bëj me këtë.

infoGlobi: Ende ka shumë mjegull lidhur me raportet mes Serbisë e Kosovës. Serbia vazhdon të mbetet pengesë e njohjes së Kosovës dhe problem për integrimin në BE. Pastaj problemet me veriun e Kosovës?

Steinbaum: Në kuptim të njohjeve. Unë jam i befasuar që më shumë shtete nuk janë vu në lëvizje pas Gjykatës Ndërkombëtare. Kjo është shumë zhgënjyese. Unë punoj me kongresistin Eliot Engël. Dhe tua them të drejtën Engel punon shumë në këtë drejtim. Ai çdo ditë flet me kongresmenë, me ambasadorë, e me ministrat të jashtëm të vendeve të ndryshme.

Së voni, ne ishim pjesëmarrës dëshmitarë nderi me rastin e vënies së marrëdhënieve diplomatike mes Kosovës dhe Hondurasit. Aty ishte presidenti i Hondurasit Lobo dhe ju e dini Engel ka pasur rol në këtë proces (të vendosjes së marrëdhënieve diplomatike të Hondurasit me Kosovën v.r).  Para kësaj ne ishim në ceremoninë e inaugurimit të presidentit Santos në Kolumbias. E, atje ishte prezent edhe presidenti i Hondurasit. Engël iu drejtua me fjalët ‘President ky është momenti. Është koha ta njihni shtetin e Kosovës’. Lobo me këtë rast i tha se do ta bëjë këtë, dhe e bëri, e njohu Kosovën.

infoGlobi: Nëse nuk është sekret. Cilat janë shtetet tjera, në të cilat Kongresmeni Engel u angazhua për njohjen e Kosovës? 

Steinbaum: Shikoni. Ne po punojmë në disa gjëra lidhur me këtë. Nuk dua të them se kemi qenë të suksesshëm në të gjitha rastet, sepse është biseduar me shumë shtete. Kongresmeni Engel është udhëheqës i nën -komitetit të Kongresit për hemisferën perëndimore, d.m.th. për Amerikën Latine dhe Karaibet (nga janari i sivjetëm demokratët janë opozitë në Dhomën e Përfaqësuesve).

infoGlobi: Që do të thotë mbuloni shumë shtete!

Steinbaum: Po, janë shumë shtete. Që kur ka filluar lobimi për njohjen e Kosovës, Engel ka biseduar për këtë çështje me më së paku 24 a 30 liderë të këtyre vendeve, ku vazhdimisht ka apeluar për njohje. Në disa raste gjërat kanë ecur mirë, siç është rasti me Hondurasin dhe Republikën Dominikane e, në disa vende tjera. Por, vërtetë është vështirë, gjërat po ecin ngadale. Ne do të vazhdojmë të punojmë shumë me miqtë tonë. Në mënyrë që të shtyejmë këtë çështje përpara.

infoGlobi: Pse mendoni se po zvarritet ky proces?

Steinbaum: Kujtoj se shtetet nuk kanë interes direkt këtu. Janë të pakëta ato. Po e zëmë vetëm dy nga to janë anëtare të OKB-së, që do të thotë se për shumë çështje ato nuk shohin mundësi ndëshkimi për ecjen përpara.

Dua të them, shtetet e tilla në Amerikën Latine dhe Karaibe nuk humbin asgjë nëse nuk e njohin Kosovën, por mund të humbin diçka nëse e njohin atë.

Aty mund të ndjehet një humbje e vogël për njohje, por nuk vërehet të ketë ndonjë përfitim nga njohja eventuale e Kosovës. Sidoqoftë, kjo nuk është arsye që këto vende mos ta njohin Kosovën. Kujtoj se ato duhet ta bëjnë një gjë të tillë. Pse mos ta bëjnë, kur dihet se vendet lidere të botës e kanë njohur dhe kur dihet se tani ekziston edhe vendimi i Gjykatës Ndërkombëtare për Kosovën, por…

infoGlobi: Tani Kosova ka ambasadat e saj në disa vende të botës. Çfarë mendoni si po performojnë ato në procesin e lobimit, apo edhe më tutje shtyllë e këtij procesi janë vendet e tjera?

Steinbaum: Unë mendoj se kemi të bëjmë me një përvojë mësimi. Kosova nuk ka traditë në diplomaci. Është vështirë të pritet të keni diplomat profesional se kjo nuk është aftësi që fitohet me lindjen. Por, ata po përmirësohen, e paralelisht me ta edhe diplomacia e Kosovës po sofistikohet. Paralelisht me këtë, diplomacia e Kosovës do të fuqizohet.

infoGlobi: SHBA-të po punojnë edhe me ambasadat e Serbisë dhe me përfaqësuesit tjerë të saj në SHBA, por edhe në Beograd. Pos tjerash, kjo bëhet edhe për të bindur Serbinë që të tejkalojë pengesat ekzistuese në raportet e saj me Kosovën. Çfarë po punohet në këtë drejtim?
Steinbaum: Po, ne flasim me të dy vendet. Ekzistojnë përpjekjet, që të niset dialogu, për çështjet praktike e teknike. D.m.th., po bëhen përpjekje për fillimin e bisedimeve, që do të udhëhiqen nga Bashkimit Evropian.

Personalisht jam pak skeptik për bisedimet dhe atë për disa shkaqe. Së pari, shumë çështje praktike kanë distancë të vogël nga çështjet që kanë të bëjnë me statusin, janë afër njëra tjetrës. Prandaj, po shoh mundësinë që bisedimet e tilla të rrezikohen fare lehtë. E di se përfaqësuesit e SHBA-ve do të jenë prezent në dhomën e bisedimeve. Kisha pasur dëshirë që interesat e Kosovës të jenë të balancuara, në mënyrë që SHBA mos të ndihet në disavantazh aty.

infoGlobi: Thatë se jeni paksa skeptik për dialogun mes Prishtinës dhe Beogradit. Ju lutem, nëse ka mundësi elaboroni këtë si po ndjeheni?

Steinbaum: Nuk po shoh se ky dialog është lartë në agjendën e njerëzve këtu në Kosovë. Pastaj, nuk kujtoj se ka me qenë lehtë të trajtohen çështje që po quhen çështje të natyrës teknike dhe praktike. Këto bisedime janë menduar të mos lënë hapësirë për tu diskutuar çështjet e statusit. Ky ka qenë njëri nga kushtet e përcaktuara për to.  Por, unë tua them të drejtën nuk e di do të bëhet kjo, sepse po shoh se shumica e çështjeve, pavarësisht se a është fjala për tregti, viza, etj., janë afër çështjeve si statusi.

D.m.th., unë po shoh rrezikun që gjërat të përfundojnë tek bisedat për statusin shumë shpejt.  Me këte nuk dua të them se dialogu dhe bisedimet në përgjithësi janë gjë e keqe. Jo, unë besoj se bisedimet në diplomaci janë gjë e mirë. Mirëpo, këto janë disa nga shqetësimet që po ndjej.

infoGlobi: Wikileaks, së voni ka publikuar dokumentin ku shihet se ambasadori i SHBA-së Dell, fton BE-në të jetë më aktive lidhur me situatën në veri të Kosovës. Si e kuptoni këtë? A po tërhiqet SHBA gradualisht nga zotimet e saj për Kosovën, për t’i lënë më shumë hapësirë BE-së, që të merret më shumë me të?

Steinbaum: Besoj se prezenca dhe involvimi intensiv i SHBA-ve në rajon është i rëndësisë së madhe. Kur humbasim fokusin procesi mund të stagnojë. Gjërat mund të ngecin dhe nuk do të ketë ecje përpara. Në pjesën e parë të dhjetëvjetshit, prej përfundimit të luftës e deri në mars të vitit 2004, SHBA-të u patën tërheq paksa dhe ndodhi që proceset e udhëhequra nga UNMIK-u, stagnuan. Ato mbetën të ngrira.  Ne nuk guxojmë të lejojmë që kjo të ndodhë përsëri. Shtetet e Bashkuara të Amerikës duhet të mbesin të involvuara intensivisht këtu. Kosova duhet të mbetet lart në vëmendjen e Departamentit të Shtetit dhe shpresoj se kështu edhe do të ndodhë.

Steinbaum: Besoj se prezenca dhe involvimi intensiv i SHBA-ve në rajon është i rëndësisë së madhe. Kur humbasim fokusin procesi mund të stagnojë. Gjërat mund të ngecin dhe nuk do të ketë ecje përpara. Në pjesën e parë të dhjetëvjetshit, prej përfundimit të luftës e deri në mars të vitit 2004, SHBA-të u patën tërheq paksa dhe ndodhi që proceset e udhëhequra nga UNMIK-u, stagnuan. Ato mbetën të ngrira.  Ne nuk guxojmë të lejojmë që kjo të ndodhë përsëri. Shtetet e Bashkuara të Amerikës duhet të mbesin të involvuara intensivisht këtu. Kosova duhet të mbetet lart në vëmendjen e Departamentit të Shtetit dhe shpresoj se kështu edhe do të ndodhë.

Sa i përketë veriut dhe situatës së serbëve aty. Unë lexoj gazetat dhe po dëgjoj vetëm komente negative dhe pesimiste. E vizitova atë pjesë para ca ditësh dhe e pashë se kishte mundësi për trende pozitive. Nuk e di a është reflektuar kjo, pra a mund të shihet tani, por unë pashë mundësinë se diçka pozitive mund të ndodhë aty.

Refuzimi mund të vjen nga vetë serbët e asaj pjese, të cilët janë lodhur nga një jetë e vështirë. Ata janë lodhur nga udhëheqja e tyre prej kriminelëve, nga qeverisja e keqe. Janë të lodhur nga këshillat e gabuara që u vijnë nga Beogradi.

Në anën tjetër, serbët e veriut i shohin të zgjedhurit e tyre nëpër komuna. Kur ata shohin parlamentarët serbë që kanë numër sinjifikant vendesh në Parlamentin e Kosovës, ata do të mund të ndryshojnë, sepse ata do të dëgjojnë dhe shohin se jeta e njeriut në veri po përmirësohet, pastaj se njerëzit në përgjithësi janë më të sigurtë. Ata mund të shohin se do kenë më shumë shërbime dhe se do të kenë më shumë fuqi në këtë shoqëri. Mesazhi i tillë do të depërtojë edhe në veri. Po shpresoj se kjo do të ndodhë më shpejt. Unë po shpresoj se shkëmbimi i informacioneve është në nivel dhe se njerëzit do ta shohin, ta mësojnë këtë. Nuk po e them se kjo është duke ndodhur aktualisht, por e shoh këtë si një mundësi në veri të Mitrovicës.

Kjo është si e shoh unë zgjidhjen e veriut, në realizimin e një platforme, e cila do të përmirësojë  jetesën e njeriut, përmes demonstrimit me shembuj konkret, pra përmes krijimit të kushteve ku serbët ndihen të sigurtë, e fundja edhe përmes ofrimit të një autonomie më të madhe në jetën e tyre.

infoGlobi: Me kalimin e kohës po bëhet e qartë se dialogu do të ndodhë dhe gjasat që bisedime për statusin të shmangen janë minimale. Cilat janë opsionet që mund të ndodhin me këtë rast?

Steinbaum: Nuk kam përgjigje të mirë për këtë. Besoj se është me rendësi që presionet të vazhdohen mbi Beogradin. Është shumë me rëndësi që Bashkimi Evropian të të marrë mesazhin se duhet të vazhdojë me presionet ndaj tij.
SHBA-të duhet të bashkëpunojnë vazhdimisht me partnerët evropianë dhe duhet të përkujdesemi që mesazhet e tilla të mirren në BE.

infoGlobi: Qëndrimi i SHBA-ve është i qartë në raport me ruajtjen e integritetit territorial të Kosovës. Por, a ka SHBA edhe opsionin B, në rast se dështon ky ekzistuesi?

Steinbaum: Kur thoni opsioni B, mendoni në ndarjen e Kosovës, ndryshimin e kufijve? Tua them të drejtën me të gjithë diplomatët amerikanë, me të cilët kam biseduar, një ide e tillë është e papranueshme. Ata besojnë se nëse kjo ndodhë, atëherë do të pasojë ‘efekti domingo’ dhe do krijohen problemet në pjesët e tjera të rajonit.

infoGlobi: Zgjedhjet nxorën një akter të ri, që do të ketë numër sinjifikant vendesh në përbërjen e re të Parlamentit të Kosovës. Vetëvendosje ka artikuluar qartë kërkesën e saj për bashkimin e Kosovës me Shqipërinë. Çfarë janë qëndrimet për këtë çështje?

Steinbaum: Unë nuk kam biseduar me diplomatët e SHBA-ve për këtë.

infoGlobi: Mirë, por si analist, si e shihni këtë ide?

Steinbaum: Unë e shoh Vetëvendosjen si një lëvizje aktive, e cila ka shumë të rinj të gjirin e saj. Kjo është gjë e mirë për Kosovën, por edhe për rajonin. E mbaj mend se ngjashëm me këtë, në Serbi një grup i të rinjve kishte ndihmuar të rrëzojë Millosheviqin nga pushteti.

Unë besoj në konceptin e Vetëvendosjes, në konceptin që njerëzit të vendosin për fatin e tyre. Dhe, gjithmonë kam besuar në këtë parim.

Por, t’i kthehem pyetjes suaj. A duhet Kosova të bashkohet me Shqipërinë një ditë! Personalisht, unë kujtoj se kjo nuk është ide e mirë. Forca e shqiptarëve faktoriyohet me ekzistimin e dy shteteve, sepse fuqia e tyre dyfishohet. Shikoni, kjo do të thotë se nesër do të jenë dy vende në OKB, dy në NATO, dy shtete në BE. Kjo është fuqi. Sinqerisht, po të isha shqiptarë në këtë rajon unë do të dëshiroja të mbesin dy shtete. Pastaj, nëse e shikojmë këtë çështje nga aspekti i oponencës, d.m.th., nga prizmi i Beogradit, nëse më lejohet ta quajë oponencë në raport me Kosovën, atëherë unë padyshim do të kundërshtoja ekzistimin e dy shteteve. Nga pozita e tillë, do të thoja ‘Jo nuk ka nevojë për dy shtete, sepse po bëheni shumë të fuqishëm në Ballkan’. Do të thoja ’Bashkohuni me Shqipërinë, kështu si dy shtete po na dëmtoni, po na mbivotoni në të gjitha institucionet ndërkombëtare’

Por, t’i kthehem pyetjes suaj. A duhet Kosova të bashkohet me Shqipërinë një ditë! Personalisht, unë kujtoj se kjo nuk është ide e mirë. Forca e shqiptarëve faktoriyohet me ekzistimin e dy shteteve, sepse fuqia e tyre dyfishohet. Shikoni, kjo do të thotë se nesër do të jenë dy vende në OKB, dy në NATO, dy shtete në BE. Kjo është fuqi. Sinqerisht, po të isha shqiptarë në këtë rajon unë do të dëshiroja të mbesin dy shtete.

Pastaj, nëse e shikojmë këtë çështje nga aspekti i oponencës, d.m.th., nga prizmi i Beogradit, nëse më lejohet ta quajë oponencë në raport me Kosovën, atëherë unë padyshim do të kundërshtoja ekzistimin e dy shteteve. Nga pozita e tillë, do të thoja ‘Jo nuk ka nevojë për dy shtete, sepse po bëheni shumë të fuqishëm në Ballkan’. Do të thoja ’Bashkohuni me Shqipërinë, kështu si dy shtete po na dëmtoni, po na mbivotoni në të gjitha institucionet ndërkombëtare’

Nga aspekti ndërkombëtar tua them të drejtën bashkimin e Kosovës me Shqipërinë e shoh si një zvoglim real të fuqisë suaj.

infoGlobi: Jason, të lëvizim pak tek dimensionet tjera rajonale. Raportet ndërkombëtare po shpalojnë shtrirje të gjerë të korrupsionit në vendet ballkanike. Gjendja me korrupsion dhe lirinë e medias në Kosovë po përkeqësohet.

Steinbaum: Gjërat nuk janë perfekte. Gjëja më e mirë që mund t’i ndodhë Kosovës, është që t’i mënjanojë vetë këto dukuri negative. Nëse nuk është në gjendje ta bëjë këtë vetë, atëherë ekziston shpresa se EULEX-i dhe BE-ja do jenë më agresive në këtë drejtim. D.m.th., më agresive në përndjekjen e të gjithë atyre që janë të involvuar në veprime kriminale.

Kur po bisedoj, unë po flas nga perspektiva e njeriut që po lobon për njohje të reja të Kosovës, nga pozicioni i njeriut që përpiqet të tregojë storie të mirë për Kosovën tek diplomatët ndërkombëtar. Kur ka raporte për korrupsion nga institucionet e respektuara ndërkombëtare, kjo e lëndon procesin. Diçka e tillë shkon në favor të oponencës, të atyre që tregojnë storie negative për Kosovën.

Personalisht, unë kujtoj se më e mira që mund të ndodhë me Kosovën, është të bëhet çdo gjë që do të largonte stereotipet negative për të, në mënyrë që botës t’i prezentohet ana e mirë e Kosovës. Në këto storie shpesh ka gjëra të pavërteta, por ka aty këtu edhe gjëra që qëndrojnë, prandaj ato duhet çrrënjosur. Për ne është me rëndësi të kemi storien më të mirë nga Kosova e, kur aty ka korrupsion, ai duhet luftuar.

infoGlobi: Kosova mbeti shteti i vetëm i izoluar në procesin e liberalizimit të vizave. A është çmimi që po paguan se kishte liderë të ndëgjueshëm para ndërkombëtarëve?

Steinbaum: Nuk kam menduar kështu. Unë mendoj se është katastrofale që Kosova të mbetet e izoluar, sepse nëse njerëzit e pjesëve tjera të Ballkanit qarkullojnë lirisht, e kosovarët jo, atëherë nuk do të ketë mundësim të shkëmbimit të ideve, vlerave kulturore, me fjalë tjera nuk do të ketë progres për Kosovën.

Kjo është gjë e tmerrshme nëse nuk ndryshon, prandaj shpresoj se Bashkimi Evropian do të kuptojë se i gjithë ky rajon duhet të jetë i hapur për qarkullim të lirë. Dhe shpresoj se edhe Kosova do të dalë nga izolimi.

infoGlobi: Dihet se Serbia është ajo që ka shkaktuar shumë probleme në Ballkan. Luftat e njëpasnjëshme, pastaj sjellja e saj sot ndaj Kosovës, etj! A ekziston rreziku për ta ‘qetësuar’ atë, bashkësia ndërkombëtare të vazhdojë të përdorë më shumë ‘karrotën’ sesa ‘shkopin’, që në fakt ka ndodhur vazhdimisht në të kaluarën?

Steinbaum: De fakto një gjë e tillë po vazhdon edhe sot e kësaj dite. Po jap një shembull. Në OKB Serbia propozoi një rezolutë shumë të keqe. Pas shumë përpjekjeve bashkësia ndërkombëtare e bindi që të heqë dorë nga ajo. Dhe si epilog i tërheqjes së kësaj rezolute, Serbisë iu aplaudua.

D.m.th., nuk është aplaudim për diçka të mirë, por është aplaudim për atë se Serbia nuk bëri diçka të keqe!

Nëse se kam gabim pas kësaj u përshpejtua deri diku një pjesë e procesit lidhur më anëtarësimin e saj në BE, d.m.th., edhe pse ende nuk u anëtarësua, u ndie përshpejtimi.

Pajtohem, nuk është fjala më për ‘karrota’, në kuptimin e thjeshtë të fjalës, por shpërblimi me to për abstinencë, do me thënë me mungesën e së keqes!

infoGlobi: Wikileaks! Kam përshtypjen se Wikileaks po e ndryshon të gjithë konceptin ekzistues për median, gazetarinë por edhe diplomacinë botërore në përgjithësi? Cili është opinioni juaj për këtë?
Steinbaum: Është pyetje shumë e mirë. Reagimet e përgjithshme dhe konotacioni ekzistues për Wikileaksin është se është ajo që ndodhi me të është diçka e keqe, pastaj se kjo është shumë e dëmshme për SHBA-të, se kinse askush më nuk do të komunikojë me Amerikën, sepse tani po rjedhin informacione sekrete siplomatike, etj, etj.

Unë kujtoj se këto janë reagime dhe pikëpamje të gabuara. Shtetet do të vazhdojnë të flasin me SHBA, liderët e shteteve të ndryshme në botë do të vazhdojnë të bisedojnë me liderët e SHBA-ve, sepse është diçka që duhe të bëhet dhe sepse ne jemi akterë me përgjegjësi në skenën ndërkombëtare.

Së pari, Wikileaks ka nxjerrë në pah disa gjëra të mira. E mirë është se, Amerika fletë të njejtën gjë, si privatisht ashtu edhe publikisht dhe së dyti Wikileaks ka shpaluar se Departamenti i Shtetit ka mbledhur rreth vetës një numër të madh të të rinjve të talentuar e profesionistë dhe inteligjentë. Së treti, u nxorën në shesh gjërat që ndryshe nuk do të thuheshin publikisht, kështu që po imponohet debati për çështje të ndieshme. Kjo nuk është aq keq sa po mendohet.

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.