Ballina / BOTA / Spektaklet imagjinare: Koreja Veriore “shkrumbon” SHBA-në
In Fabric

Spektaklet imagjinare: Koreja Veriore “shkrumbon” SHBA-në

Me rastin e ditëlindjes së themeluesit të kombit Kim Il Sung, televizioni shtetëror i Koresë së Veriut transmetoi pamjet e një shfaqjeje muzikore që u mbyll me një video që inskenonte një sulm raketor ndaj Shteteve të Bashkuara të Amerikës.

Shfaqja muzikore, në të cilën mori pjesë edhe udhëheqësi i shtetit komunist Kim Jong Un, u zhvillua të dielën, një ditë pas paradës madhështore në Penian, që gjithashtu shënoi 105-vjetorin e Kim Il Sung. Koncerti u ndoq nga pamjet e një testi bërthamor të zhvilluar në muajin shkurt, që në video u shoqërua me lëshime të tjera raketash në qiell, të cilat kalonin mbi Paqësor e godisnin shënjestra të ndryshme në SHBA, duke i kthyer ato në topa gjigandë zjarri.

Koreja e Veriut tha në muajin shkurt se kishte testuar me sukses një lloj të ri të raketeve balistike me rreze të mesme e të gjatë veprimi. Peniani kërcënon rregullisht të shkatërrojë Shtetet e Bashkuara dhe mes tensioneve në rritje në Gadishullin Korean ka përshkallëzuar ndjeshëm luftën e fjalëve, duke paralajmëruar për një luftë bërthamore nëse Uashingtoni ndërmerr akte ushtarake kundër tij.

Check Also

spanja

Katalonia nën kontroll të Spanjës

Kryeministri spanjoll Mariano Rajoy, pas mbledhjes që mbajti sot me kabinetin e tij, u vendos …

Leave a Reply

Your email address will not be published. Required fields are marked *