fbpx
kataloni

Spanja arreston tetë ministra të Katalonisë

Gjykata Kombëtare e Spanjës ka marrë vendimin për paraburgimin e tetë ish-ministrave të Qeverisë Autonome të Katalonjës, ndërsa një prej ministrave do të gjykohet në liri, raporton Anadolu Agency (AA).

Për shkak të referendumit për pavarësi në Katalonjë, anëtarët e qeverisë së Katalonjës akuzohen për “rebelim ndaj shtetit, kryengritje dhe keqpërdorim të financave publike”.

Nëntë nga 14 ish-anëtarë të qeverisë së Katalonjës sot më herët u paraqitën në bisedë informative në gjykatë. Ndaj tetë prej tyre gjykata ka shqiptuar paraburgim, kurse njëri prej tyre është liruar me kusht.

Në ndërkohë, ish-Kryetari i Qeverisë Autonome të Katalonjës, Carles Puigdemont, dhe dhe katër ministra të tjerë, të cilët kanë udhëtuar në Belgjikë, nuk janë paraqitur në gjykatë, megjithatë, gjykata mori vendim për të nxjerrë urdhër arresti dhe ekstradimi ndaj tyre.

Nga ana tjetër, hetimi ndaj kryeparlamentares së Katalonjës Carme Forcadell dhe pesë anëtarëve të Këshillit Ekzekutiv, të cilët vazhdojnë detyrën, është shtyrë për më 9 nëntor pas kërkesës së avokatëve të mbrojtjes, ndërsa Gjykata Supreme ka marrë vendimin që ato të jenë nën mbikëqyrje policore deri më këtë datë.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.