fbpx

Sipas Haradinajt, këto janë shkaqet e dorëheqjes së Maxhunit nga AKI

Drejtorit i AKI-së, Shpend Maxhuni,  dje ka dhënë dorëheqje nga funksioni i tij në krye të Inteligjencës kosovare, por shkaqet e këtij vendimi janë kuptuar sot.

Sipas kryeministrit në largim Ramush Haradinaj, Maxhuni ka dhënë dorëheqje për shkaqe shëndetësore.

“Ju siguroj që puna e tij në shërbim të vendit është e çmueshme. Shpend Maxhuni është nalt në notën e vlerësimit, prej meje në këtë rast por edhe prej aleatëve që punojnë punët e njëjta. Motivacioni është arsyeja personale e tij, motivacioni është arsyeja shëndetësore që unë e respektoj, aty ka zëvendësdrejtor, ende s’ka inspektorë”, thotë Haradinaj.

Vendimin pë dorëheqjen poashtu e kishte dhënë i pari kryeministri në detyrë, Ramush Haradinaj. Por ai dje nuk ishte ndalur në arësyet e dorëheqjes duke lënë shumë hapësirë për spekulime.

Postimi i djeshëm për dorëheqjen:

Kam pranuar dorëheqjen e Drejtorit të AKI-së, z. Shpend Maxhuni, nga funksioni i tij në krye të Intelegjencës kosovare.

Z. Maxhunin e falënderova për bashkëpunimin profesional të deritashëm në mbrojtjen e sigurisë së vendit dhe popullit tonë.

Për kontributin e tij në obligimet shtetërore dhe Institucionale e dekorova z. Maxhunin me Medaljen e Skenderbeut, me motivacionin për profesionalizëm dhe besnikëri në shërbim ndaj atdheut.

Gjatë këtij mandati, Qeveria e Kosovës është angazhuar pandalë në forcimin e rendit dhe ligjit në vend dhe institucionet e sigurisë. Në këtë angazhim, roli i z. Maxhunit ka qenë i rëndësisë së veçantë dhe sot, AKI është një ndër institucionet më profesionale dhe më kredibile në vend dhe më gjërë. RH

Mediat raportojnë dorëheqjen

Mediat vendore kanë raportuar gjerësisht aktin e dorëheqjes së drejtorit shumëvjeçarë të Policisë së Kosovës, nga posti i të parit të AKI-së.

Një pjesë e mediave ishte mjaftë kritike për punë e deritashme të Maxhunit.

“ Arsyeja e vërtete se pse Shpend Maxhuni ka dhënë dorëheqje, nuk mund të jetë vetëm fakti se ai mund të ketë marrë ftesë nga Gjykata Speciale për rrjedhje të informatave që ndërlidhen me fushëveprimin e kësaj gjykate, por edhe frika nga shkarkimi dhe dënimi për bëmat e tij kundërligjore, pas ndërrimit të qeverive. Siç dihet gjatë kohës sa ai ishte Drejtor i Policisë së Kosovës në Dhomën e Dëshmive të Policisë së Pejës, ndërmjet muajit shkurt dhe prill të vitit 2012, u vodhën mbi 25 kilogram ari, i cili sipas raportimeve të Prokurorisë u shkri dhe dërgua, pa asnjë pengesë në Turqi. Për aq më keq, përveç vjedhjes së arit, u raportua se në të njëjtën kohë janë shkatërruar edhe provat e më shumë se 200 krimeve të rënda, të ndodhura në Pejë me rrethinë, si armë, gëzhoja, gjurmë të ADN-së, e prova tjera të rëndësishme materiale, të cilat për muaj e vite, ishin mbledhur nga prokuroria dhe hetuesit”, tha per media analisti politik, Gani Qarri.

Sipas Qarrit, ari i vjedhur ende nuk dihet se në pronësi të kujt ka kaluar dhe në emër të cilit pushtetar u deponua në Turqi, por ai thuhet se u përdor edhe si kamuflim për shkatërrimin e mbi 200 provave në Dhomën e Dëshmive.

Selmanaj: Emërimi i Maxhunit në AKI po konsolidon kapjen e shtetit

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.