fbpx
policia

Shqiptari hedh të dashurën nga dritarja, ky është arsyetimi i tij

Ka nisur procesi në Gjykatën e Landit në Dyseldorf me të pandehur 40-vjeçarin shqiptar Ardi T. Ky i fundit akuzohert se ka rrëzuar të dashurën 24-vjeçare nga dritarja.

Sipas mediave gjermane, ai ka qenë partner i gruas, e cila para një viti ishte rrëzuar nga lartësia prej 7 metrash (kati i dytë) në një shtëpi në Dyseldorf.

Sipas akuzës, Ardi T., e ka shtyrë me qëllim viktimën dhe ajo ka rënë duke pësuar lëndime të rënda dhe paralizë.

Prokurori duke arsyetuar akuzën ka thënë se gruan e rrëzuar do ta shoqërojë gjatë gjithë jetës paraliza e shkaktuar nga rrëzimi.

Ai ka kërkuar dënim prej 11 vjet e gjysmë burg duke e akuzuar 40 vjeçarin për goditje për vdekje dhe për tregti me drogë.

Ndërkaq, prokurori ka hequr dorë nga akuza për tentim vrasjeje të rëndë.

Por shqiptari dhe mbrojtja e tij ngulin këmbë se partnerja ka rënë vetë dhe ai nuk e ka shtyrë. Madje, sipas tij, ai ka qenë në oborr kur e ka parë gruan të rrëzuar. Më tutje ai thotë se ajo ka qenë në varësi nga droga dhe i ka vjedhur atij 1800 euro. Pastaj, në përpjekje për t`u fshehur, është rrëzuar aksidentalisht.

Mediat i kanë kushtuar shumë hapësirë këtij procesi gjyqësor edhe për shkak të një momenti kurioz: gjyqtari, për të ilustruar rrëzimin e viktimës nga dritarja, ka improvizuar një skenë të ndërtuar me blloqet e njohura për lodra fëmijësh “lego”.

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.