Ballina / Shkencë / Shkencëtarët japonezë krijojnë gjakun artificial

Shkencëtarët japonezë krijojnë gjakun artificial

Një grup ekspertësh japonezë kanë krijuar gjakun artificial, që do të mund të përdoret nga të gjithë njerëzit, pavarësisht grupit të tyre të gjakut.

Gjaku është i pasur me oksigjen dhe rruaza të kuqe dhe në raste prerjesh apo gërvishtjesh, personat të cilët kanë bërë një transfuzion të mëparshëm duke marrë këtë lloj gjaku do të kenë koagulim shumë të shpejtë duke ndaluar kështu gjakderdhjen.

Eksperimenti u realizua me 10 lepuj, dhe 6 prej tyre arritën të mbijetonin pas injektimit të gjakut artificial në lëkurë. Mendohet se kjo shpikje do t’i vijë në ndihmë të gjithë personave që kanë probleme shëndetësore dhe rrezikojnë jetën nga mungesa e gjakut.

Kampionet e gjakut artificial do t’u vijnë në ndihmë personave të dëmtuar që në vendin e ngjarjes dhe nuk është e nevojshme që pacienti të shkojë në spital dhe të marrë ndërhyrjet e duhura në bazë të grupit të gjakut.

Kjo është një risi në metodat mjekësore, pasi ndryshe nga më parë, gjaku do të jetë universal dhe jo i ndarë në grupin “A”, “B”, “AB” apo “0”.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.