fbpx
shen tereza, vatikani, prishtina, prizreni, shkupi, kosova, italia, india, kalkuta, don lush gjergji

Shën Tereza

Sot 22 vite pa humanisten shqiptare, nobelisten dhe të shenjtëruaren

Sot bëhen 22 vjet nga vdekja e humanistes shqiptare, nobelistes dhe të shenjëtëruars së Vatikanit, Shen Nënë Tereza.

Kurse, Muzeu Historik Kombëtar organizon një ekspozitë me foto me rastin e 3-vjetorit të shenjtërimit të Gonxhe Bojaxhiut – Shën Tereza.

Në këtë ekspozitë përmes fotografive do të përshkruhet rrugëtimi i jetës së Nënë Terezës që nga fëmijëria, rinia, përkushtimi ndaj të varfërve e deri në vitet e fundit të jetës.
Ekspozita do të mbahet në sallën e pullave në katin e dytë të Muzeut Historik Kombëtar ditën e premte, datë 06 Shtator 2019, ora17.00.

Nënë Tereza, emri i plotë i së cilës, është Anjezë Gonxhe Bojaxhiu, ka lindur më 26 gusht të vitit 1910, në Shkup.Ishte humaniste e njohur shqiptare, fituese e çmimit Nobel për Paqen, kurse me 19 tetor të vitit 2003 u lumturua  nga nga Papa Gjon Pali II.

Ndërsa, që nga 5 shtatori i vitit 2016 Nënë Tereza njihet edhe si Shën Tereza.

Nëna e njohur në të gjithë botën njihet për mrekullitë e shërimit. Ajo  “u lumturua” në tetor të vitit 2003,

Ajo ishte nënë kujdestare e 7,500 fëmijëve në 60 shkolla, ishte nënë që mjekonte 960,000 të sëmurë në 213 dispanseri, ishte e vetmja në botë qe trajtonte 47,000 viktima të lebrozes në 54 klinika, kujdesej për 3,400 pleq të braktisur e të lënë rrugëve, në 20 shtëpi pleqsh, kishte birësuar 160 fëmijë ilegjitim e bonjakë.

Këto janë shifrat e mesit të viteve të 80-ta, dhe deri sa Nënë Tereza ishte gjallë dhe sot e kësaj dite shifrat kanë ndryshuar shumë.Ajo ka ndërruar jetë më 5 shtator të vitit 1997 në Kalkutë të Indisë dhe janë shkruar e shkruhen edhe sot e kësaj dite me qindra vepra për të Lumën Nena Terezë.

Para pak ditësh u publikua libri me titull “E kam në zemër popullin tim shqiptar”, nga autori dhe biografi I Shën Terezes,Don Lush Gjergji. Kjo është vepra e 16 kushtuar Shën Nënës Terezë./InfoGlobi/

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.