kosnett , shba

SHBA-ja largohet nga bordi i Agjencisë për Krahasim dhe Verifikim të Pronës në Kosovë

Shtetet e Bashkuara të Amerikës janë tërhequr nga Bordi i Agjencisë për Krahasim dhe Verifikim të Pronës në Kosovë, duke konsideruar se në krye të këtij institucioni është një person i pakualifikuar.

Për emërimin e Naser Shalës në këtë pozitë pati reaguar edhe Britania e Madhe, dhe ambasadori i saj në Prishtinë, Ruairi O’Connell ishte larguar po ashtu nga bordi.

“Ne nuk do të jemi aty kur udhëheqësi u shërben interesave personale dhe atyre politike në vend të njerëzve. Përzgjedhja e personave joadekuatë për pozita qeveritare dëmton imazhin e Kosovës dhe besimin publik”, është thënë në një postim të ambasadës amerikane në rrjetin social, Facebook.

“U.S. has resigned from KPVCA Board, as the UK did earlier. We won’t continue when its leadership serves personal and political interests rather than the people. Selecting unqualified cronies for government positions hurts Kosovo’s image and betrays the public trust. #ROLINKosovo. ” shkruan Ambasada e Shteteve të Bashkuara në Kosovë.

Ditë më parë, ambasadori amerikan në Kosovë, Philip Kosnett pati kërkuar nga partitë që të propozojnë zgjidhje për t’i dhënë fund korrupsionit dhe nepotizimit”.

“I pakualifikuari Naseri Shala vazhdon të qëndrojë në krye të Agjencisë për Krahasim dhe Verifikim të Pronës, duke minuar besimin e qytetarëve në përzgjedhjen me meritë në procesin e punësimit”, pati thënë ndër të tjera ai.

LEXO EDHE:

SHBA-ja dhe Britania e Madhe sërish kërkojnë largimin e Naser Shalës

Ambasadori O’ Connell jep dorëheqje nga projekti; SHBA e BE kritikojnë Kuvendin

Agjencia Kosovare të Krahasimit dhe Verifikimit të Pronës është agjenci e pavarur e themeluar nga Kuvendi i Kosovës, që ka për mandat të pranojë, krahasojë dhe përmes Komisionit për Verifikim dhe Vendosje për Prona (KVVP) të zgjidhë dallimet dhe mospajtueshmëritë në mes të dokumenteve të cilat i ka marrë Kosova nga autoritetet serbe dhe të dokumenteve kadastrale aktuale në Republikën e Kosovës, për pronën private, atë komerciale dhe pronën private të bashkësive fetare.

Emërimi i anëtarëve në bordet e ndërmarrjeve publike në Kosovë është një ndër proceset që vazhdimisht është kritikuar nga shoqëria civile në Kosovë, e së fundmi, edhe nga faktori ndërkombëtar.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.