Ballina / BOTA / Sebastian Kurz krahasohet me Hitlerin
Sebastian Kurz

Sebastian Kurz krahasohet me Hitlerin

Revista satirike gjermane Titanic në profilin e vet në Twitter ka publikuar fotografinë, e cila e krahason fituesin e zgjedhjeve parlamentare në Austri me Hitlerin, për çka u bë subjekt i hetimeve policore

Në fotografi mund të shihet lideri i Partisë Popullore të Austrisë (OVP), Sebastian Kurz, në të cilën është vizatuar shënjestra, me tekst: “Më në fund është e mundur: Të vritet Hitleri derisa është bebe!”

Sipas mendimit të Titanic-ut, politika e Kruz-it po flirton rrezikshëm me neonazizmin, dhe deri te fitorja në zgjedhjet parlamentare erdhi me ndihmën e qëndrimeve kundër imigrantëve. Si lider i partisë më të madhe në parlamentin austriak, është shumë e besueshme se do të bëhet kancelari i ri.

Teksti në fotografi aludon në dilemën hipotetike morale: “Sikur të ktheheshit në të kaluarën, a do ta vrisnit Hitlerin derisa ishte ende foshnje?” Në këndin e poshtëm të majtë qëndron fjalia: “Udhëtim nëpër kohë në Austri”.

Policia e Vjenës është përgjigjur se publikimi në Twitter me koment dhe fotografi i është përcjellë “shërbimeve kompetente”.

“Der Standard” austriak lajmëron se shërbimet për luftë kundër terrorizmit dhe agjencitë e inteligjencës po e hetojnë publikimin.

Udhëheqësi i Partisë Nacional Socialiste, Adolf Hitler, ishte i lindur në qytetin austriak Braunau am Inn, në kufi me Gjermaninë. Sundoi në Gjermani prej vitit 1933 deri në 1945 kur kreu vetëvrasje në bunkerin e vet në Berlin.

 

Check Also

kafshet_e_egra​_infoglobi

Irlanda ndalon përdorimin e kafshëve në cirk

Irlanda do të ndalojë përdorimin e kafshëve të egra në shfaqjet e cirkut që nga …

Leave a Reply

Your email address will not be published. Required fields are marked *