fbpx

Rreth 29 milion të infektuar me COVID-19 në botë

Numri i të infektuarve me COVID-19 në të gjithë botën ka arritur në rreth 29 milion. Shtetet e Bashkuara mbeten vendi me më shumë infeksione, më tepër se 6.4 milion raste.

India ia ka kaluar Brazilit, duke zënë vendin e dytë me 4.7 milion. Infeksionet në shtetin më të madh të Indisë, Maharashtra, që përfshin kryeqytetin financiar të vendit, Mumbai, arritën në 1 milion, duke frenuar përpjekjet e vendit për të ringjallur ekonominë. Brazili ka 4.3 milion raste.

Një artikull në revistën New England Journal of Medicine arrin në përfundimin se përdorimi i maskës nga të gjithë “mund të ndihmojë në zvogëlimin e fuqisë së sëmundjes dhe të bëjë që një pjesë më e madhe e infektimeve të reja të jenë pa simptoma”.

Nëse ky përfundim është i saktë, thuhet në artikull, përdorimi i maskës mund të shërbejë si një formë vaksinimi “që do të sillte imunitet dhe në këtë mënyrë do të ngadalësonte përhapjen e virusit”, ndërkohë që bota është në pritje të një vaksine.

Numri i të infektuar në mbarë botën me Covid-19 ka kaluar 29 milionë. Sipas të dhënave të publikuara nga worldometer.info janë Shtetet e Bashkuara të Amerikës që po prijnë me numrin e rasteve të reja me koronavirus.

Në kohën kur bota po përgatitet për një valë të re të koronavirusit, është India vendi ku po shënohet numri më i madh i rasteve të reja. 93,215 të infektuar u regjistruan në 24 orët e fundit duke bërë që numri total i të prekurve të shkojë në 4,845,003. Betejën me virusin e kanë humbur 79,754 banorë të këtij shteti.

Numër të madh të rasteve të reja po regjistron edhe SHBA. 25,852 infektimet e fundit e çuan shifrën totale të të prekurve në 6,702,453 derisa 198,399 kanë humbur jetën.

Në të dyja këto vende janë miliona ata që janë shëruar, 3,962,244 në SHBA dhe 3,777,044 në Indi.

Numër i madh i infektimve të reja me koronavirus po shënohen në Francë, Rusi e Meksikë ku shifrat kalojnë pesë mijë raste ditore. Në Francë u shënuan mbi 7 mijë raste.

Brazili, Britania e Madhe, Iraku, Indonezia, Filipinet shënuan mbi 3 mijë raste në 24 orë.

Në nivel të numrit të përgjithshëm të të infektuarve prijnë SHBA të ndjekura nga India e Brazili me 4,845,003 përkatësisht 4,319,184.

Shifrën milionëshe të të infektuarve përmbyll Rusia. Shteti sovjetik ka konfirmuar 1,062,811 raste dhe 18,578 vdekje.

Vendi më i goditur europian nga pandemia është Spanja me 576,697 raste dhe 29,747 të vdekur.

Më 11 mars të këtij viti Covid-19 u shpall pandemi nga Organizata Botërore e Shëndetësisë. Pandemia ka prekur keq edhe Kosovën.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.