Rama për AFP: Nuk do qëndrojmë në derën e Evropës dhe të qajmë

“Ne nuk do të qëndrojmë në derën e Evropës dhe të qajmë”. Keshtu ka deklaruar kryeministri Edi Rama ne nje interviste dhene per AFP, teksa eshte peyteur per procesin e integrimit te Shqiperise.

Sipas Rames, shteti Ballkanik duhet të përqëndrohet në të ardhmen e vet dhe vijon reformat qe i nevojiten per vete dhe njerezit e vet.

Vendi prej 2.8 milion banoresh shpresonte të merrte dritën e gjelbër për të filluar bisedimet e hyrjes në BE në tetor, por Franca, Danimarka dhe Hollanda vendosën veton ndaj këtij veprimi.

“Jo” e udhëhequr nga Franca zemëroi shumë në Ballkan dhe në BE, ku shumica e vendeve anëtare kishin dashur të shpërblejnë të dy vendet për të vazhduar reforma të rëndësishme.

Brukseli tani po dyfishon përpjekjet për t’i marrë të gjitha vendet anëtare në bllok, perfshire Shqiperine dhe Maqedonine e Veriut, para samitit te Zagrebit.

Kryeministri Rama, megjithatë, nuk po e mban frymën. “Nuk pres asgjë”, tha Rama, një piktor dhe ish basketbollist, ne nje interviste dhene ne frengjisht.

“Ne duhet të bëjmë gjërat që duhet të bëhen pavarësisht nga vendimet në Bruksel”, tha ai, duke shtuar se vendi nuk mund “të vazhdojë të jetojë me këtë ankth të pritjes për diçka që nuk është në duart tona”.

“Ne nuk jemi në këtë rrugë sepse francezët ose gjermanët po na kërkojnë, por sepse është rruga e vetme e arsyeshme për të ardhmen e fëmijëve tanë dhe për të ardhmen e këtij vendi”, tha ai.

Rama shtoi se vetë reformat e BE-së janë larg kontrollit të Tiranës, megjithëse “është e rëndësishme edhe për ne që Evropa të ndryshojë”. Evropa “po vuan, nuk punon ashtu siç duhet, është e qartë.”

“Shqipëria bëri më shumë se çdo vend tjetër për hapjen e negociatave”, insistoi Rama, i cili ka qenë në pushtet që nga viti 2013.

Por vendi “do të vazhdojë t’i bëjë detyrat e veta shtëpiake (sepse) ne nuk po i bëjmë ato për ta, ne po i bëjmë vetë”, shtoi ai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.