Ballina / KRYESORE / Rama: Kemi humbur sepse nuk kemi ditur si të sillemi me historinë
Edi Rama, Kryeministër i Shqipërisë

Rama: Kemi humbur sepse nuk kemi ditur si të sillemi me historinë

Kryeministri i Shqipërisë Edi Rama ka mësuar nga gabimet. Të paktën sa i përket Kosovës.

Kështu, kryeministri thotë se nuk do të flas më në emër të Kosovës.

Komentet i bëri duke folur rreth idesë për shkëmbim të territoreve në mes të Kosovës dhe Serbisë.

Rama u shpreh se çështja e kufirit është mjaft delikate, ku luhet fati jo vetëm i Kosovës, por i kombit shqiptar.

“Shqipëria ka detyrimin të mbështesë fuqimisht Kosovën dhe në këtë detyrim të ndjekë dhe të presë se çfarë përfaqësuesit e Kosovës mendojnë se për çfarë gjërash janë dakord të bëjmë. Unë nuk mund të bëjë tutorin e Kosovës. Kjo është një çështje ku luhet fati jo i Kosovës, por i kombit shqiptar dhe mund të bëhen gabime shumë të rënda”, u shpreh Rama në emisionin ‘Open’ në Top Channel.

Sipas Ramës kjo çështje kërkon diskutim të brendshëm strategjik, gjë e cila sipas tij nuk po ndodh aktualisht në Prishtinë.

“Duhet të bëjmë një diskutim të brendshëm strategjik dhe këtë duhet ta bëjnë ata që e drejtojnë Kosovën. Dhe këtë nuk po e shoh që ata ta bëjnë. Shqiptarët duhet të diskutojnë si burra të kuvendit dhe jo hidh e prit në televizion vetëm për t’u konfliktuar. Ne kemi humbur sepse nuk kemi ditur si të sillemi me historinë”, tha Rama.

@Fluidi

Provo po ashtu

thaci bruksel

Thaçi në ShBA, ka gjasa të takohet me z. Trump

Presidenti Hashim Thaçi ka folur për mundësinë e takimit me presidentin e Shteteve të Bashkuara …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.