Ballina / KOSOVA / Prokuroria prononcohet për pazaret prapa grilave! Pse heshti deri sot?
drejtesia , KGJK
KGJK

Prokuroria prononcohet për pazaret prapa grilave! Pse heshti deri sot?

Prokuroria e Kosovës, përmes një njoftimi për media ka njoftuar se ka ndërmarrë veprime konkrete lidhur me deklaratat e të dënuarit me 30 vjet burgim, Shkumbin Mehmeti. Është dashur të ndodhë deklarata nga burgu e Shkumbin Mehmetit, që Prokuroria  të dalë me njohtimin se i njëjti ia ka kushtëzuar policisë dëshminë e tijë me ulje të dënimit, mirëpo një gjë e tillë nuk mund të ndodhë.

Deri tani ajo ka heshtur për fenomenin e përpjekjeve të pazareve prapa grilave. Për to opinioni nuk ka qenë i njohtuar kurr. Heshtja shpie në dyshimet se Prokuroria nuk është transparente.

“Prokuroria njofton opinionin se me kohë ka ndërmarrë veprime konkrete lidhur me deklarimet e të dënuarit Sh.M. E vërteta është se, ai përmes policisë ka pohuar se kërkon të jap informacione lidhur me disa vrasje. Menjëherë, Prokuroria e ka autorizuar policinë që ta marrë në pyetje, tani të dënuarin Sh. M., mirëpo i njëjti policisë ia ka kushtëzuar dëshminë, duke kërkuar që Prokuroria, paraprakisht të ndikojë në prishjen e aktgjykimit të plotfuqishëm, me të cilin është dënuar me burg prej 30 vjetësh. Meqenëse, ai ka pasur kontakte me hetues policor, përmes tyre, është informuar se Prokuroria nuk mund të prish aktgjykimin e plotfuqishëm, por, nëse është i gatshëm të dëshmojë, si Prokurori, në kuadër të autorizimeve, do ta përkrahnim kërkesën e tij për zbutje të jashtëzakonshme të dënimit, nëse dëshmia e tij do të ndihmonte në zbulimin dhe ndjekjen e vrasjeve.” thuhet në komunikatën e Prokurorisë.

Sic njofton Prokuroria, i njëjti ka dhënë dëshmi edhe për Prokurorët e EULEX-it, lidhur me vrasjen e dy oficerëve të UNMIK-ut.

“Më vonë më 29.11.2016, Prokuroria Speciale e Republikës së Kosovës, ka pranuar një letër të tij, ku thuhet se dëshiron të takohet me prokurorët, për të dhënë informata në lidhje me vrasje. Më datë 27.01.2017, i njëjti është sjellë, i shoqëruar nga policia, në PSRK. Është inkurajuar për dhënien e dëshmisë, për rastet që ka në dijeni. I njëjti ka deklaruar se për disa nga këto raste ka dhënë dëshmi para prokurorëve të EULEX-it, dhe prapë ka për të dhënë dëshmi para prokurorit të EULEX-it, me datë 31.01.2017. Megjithatë, ai ka specifikuar se është duke bashkëpunuar me prokurorin e EULEX-it të PSRK-së, vetëm dhe ekskluzivisht në lidhje me rastin e quajtur ‘Olympia”, lidhur me vrasjen e dy oficerëve të UNMIK-ut, si dhe vrasjen në tentativë të dy oficerëve të tjerë, përkatësisht për rastin që ka ndodhur në Podujevë, më 23 mars 2004.” thuhet në këtë komunikatë.

Prokuroria e Kosovës njofton se me kohë kanë filluar hetimet për vrasjet e pasluiftës së bashku me Prokurorët e EULEX-it.

“Para dhënies së dëshmisë, i njëjti ka kërkuar garancion që prokuroria ta kthejë në rigjykim, çështjen për të cilën ishte dënuar me aktgjykim të plotfuqishëm, të cilin kusht, prokuroria nuk ka mundur ta premtojë, sepse është në kundërshtim me dispozitat e Kodit të Procedurës Penale të Republikës së Kosovës.

Meqenëse i njëjti kishte dhënë më parë një deklaratë para prokurorëve të EULEX-it dhe ai kishte ende për të dhënë një deklaratë më 31.01.2017 për të ashtuquajturin rast “Olympia”, shqyrtimi i tij u ndërpre.

Sqarojmë opinionin publik se Prokuroria me kohë ka filluar hetimet për vrasjet e pasluftës. Po ashtu, edhe prokurorët ndërkombëtarë të EULEX-it janë duke zhvilluar hetimet në këtë drejtim, deri në transferimin e këtyre rasteve tek prokurorët vendorë.” përfundohet në këtë komunikatë

@Fluidi

Provo po ashtu

familja gjilan

Familjes nga Gjilani i merren fëmijët

Familjes Korça nga Gjilani, ia janë marr tre fëmijë nga Qendra për Punë sociale e …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.