Ballina / KOSOVA / Prokurori që iku në Amerikë deklaronte të ardhurat edhe nga kuponët fiskalë
blakaj

Prokurori që iku në Amerikë deklaronte të ardhurat edhe nga kuponët fiskalë

Presionet dhe kërcënimet, të cilat dyshohet se e kanë shtyrë ish-prokurorin special, Elez Blakaj, drejt dorëheqjes mbesin enigmatike.

Dorëheqja e tij ka bërë bujë në opinion. Menjëherë ka reaguar Prokuroria e Shtetit, duke thënë se nuk e di arsyen e dorëheqjes së ish-prokurorit. Mirëpo, ka pranuar se Blakaj ka raportuar një rast të kërcënimit.

Ish-prokurori së fundi ka qenë duke i hetuar keqpërdorimet me listat e veteranëve të UÇK-së. Hetimet kanë përfunduar dhe aktakuzën Blakaj e ka dorëzuar te eprorët e tij, porse “ata po e mbajnë të fshehtë”.

Por financiarisht prokurori Blakaj siç duket ka qëndruar mirë. Në deklarimin e pasurisë, të bërë në marsin e këtij viti, Blakaj ka raportuar për tokë të trashëguar nga gjyshi, banesë, si dhe një truall. Të gjitha këto në vlerën e mbi 100 mijë eurove.

Blakaj ka raportuar edhe një veturë të blerë në vlerë 5 mijë euro.

Por në deklarimin e të ardhurave, Blakaj, përveç rrogës si prokuror i shtetit, i kishte marrë edhe 20 euro nga rimbursimi i kuponëve fiskalë në ATK, shkruan Express.

Vetë Blakaj, edhe më tutje vazhdon të heshtë për opinionin. Ndërkohë, ndërkombëtarët, por edhe vendorët e kanë pritur me shqetësim dorëheqjen e tij, duke kërkuar hetimin e shkaqeve.

@Fluidi

Provo po ashtu

flamuri shba e be

SHBA: Kosova nuk mund të krahasohet me rastin e Republikës Serbe

Ambasadorja e Shteteve të Bashkuara në Bosnje dhe Hercegovinë, Maureen Cormack, në një intervistë për …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.