Ballina / Kulturë / Profesori i Oksfordit akuzohet se shiti pjesë të lashta të Biblës

Profesori i Oksfordit akuzohet se shiti pjesë të lashta të Biblës

Një profesor i Universitetit të Oksfordit është akuzuar se i ka shitur fragmente të lashta të Biblës një kompanie amerikane, e cila është përfshirë në disa skandale të profilit të lartë, të lidhura me blerjet e saj “agresive” të objekteve biblike.

Emri i Dirk Obbink, një nga profesorët më të famshëm të antikitetit, doli në dritë gjatë një hetimi nga persona të lidhur me projektin Oxyrhynchus Papyri të Oksfordit.

Obbink akuzohet se i ka shitur pa leje një numër fragmentesh antike kompanisë amerikane të objekteve të artit dhe zejtarisë, Hobby Lobby. Pronari i saj, familja Green, janë të krishterë të devotshëm, dhe nën drejtimin e presidentit të Hobby Lobby, Steve Green, ata themeluan në 2017-ën Muzeun 400 milionë dollarësh të Biblës në Washington.

Një deklaratë e Egypt Exploration Society, e cila menaxhon projektin Papyri, del me pretendimin se nga Muzeu i Biblës i ishte thënë që 11 fragmente i qenë shitur këtij institucioni nga Obbink në dy grupe në vitin 2010.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.