fbpx
haradinaj , deputetet , bundestagu

Përfundon takimi i Haradinajt me deputetët e Bundestagut

Kosova i ka kërkuar edhe një herë Gjermanisë që ta mbështesë atë në procesin e liberalizimit të vizave.

Këtë e ka bërë të ditur kryeministri Ramush Haradinaj pas takimit me deputetët e Bundestagut gjerman, Peter Bauer (CDU) dhe Christian Schmidt (CSU).

Ai ka thënë se deputetët ia kanë rikonfirmuar mbështetjen e Bundestagut për Kosovën.

Deputeti Peter Bauer, ka theksuar se Bundestagu Gjermanë është kundër shkëmbimit të territorit.

“Kemi biseduar edhe për dialogun të cilin do ta mbështesim e po ashtu diskutuam edhe për çështjen e lëvizjes së kufijve, e për të cilën ne jemi kundër”, ka thënë Bauer.

Edhe Shcmidt ka theksuar se kushdo që mendon se një ide e tillë mund të jetësohet e ka gabim pasi sipas tij shkëmbimi i territoreve do të krijonte probleme edhe më të mëdha në rajon.

Bauer ka thënë se jemi të pajtimit që dialogu të vazhdojë.

Ndërkaq Schmidt tha se më e mira e së mirës do të ishte të krijohet një zhvillim ekonomik në mënyrë që rinia dhe qytetarët të kenë vende pune.

Sa i përket deklaratës së ministrit të Infrastrukturës, Pal Lekaj, i cili kërkoi largimin e ambasadorit zviceran Jean Humbert Lebet, kryeministri Ramush Haradinaj tha se ka qenë deklaratë e pamençur.

“Do të thotë nuk është e meçme prej ministrit Lekaj me u kyç në këtë debat, ai i ka temat e tij. Mendimi im për Zvicrën është i lartë”, tha Haradinaj gjatë konferencës me deputetët nga Bundestagu gjerman.

Kryeministri është pyetur edhe për punësimet familjare në Qeveri. Ai pranoi që ka punësime të tilla, por, sipas tij, numri i tyre nuk është aq i lartë.

“Masiv nuk është, por ka. Në konkurse mund të gjeni që ka të AAK-së, por nuk janë vetëm ata. Vendet e punës kryesisht do të krijohen me ekonomi dhe inkurajoj njerëzit që të marrin iniciativa si sipërmarrës. Ka një rritje të punësimit në vazhdimësi. Sidomos tani pas taksës është rritur numri i të punësuarve”, tha ai.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.