Ballina / Lajme / Pas gjithë debatit, ora kthehet prapa të dielën

Pas gjithë debatit, ora kthehet prapa të dielën

Ora diellore do të mbetet në fuqi deri më 29 mars 2020 dhe më pas, gjatë vitit në vijim, gjithçka do të varet nga vendimi i çdo vendi anëtar të BE

Akrepat e orës do të kthehen prapa, me një orë, ekzaktësisht në orën 3 të natës mes të shtunës, 26 tetor dhe të dielës, 27 tetor. Fitojmë një orë gjumë më shumë, por errësohet më shpejt. Ndryshimi i orës nuk kalon pa pasoja edhe tek organizmi ynë dhe mund të shkaktojë edhe ndonjë problem: ka nga ata që vuajnë më shumë pasojat e këtij ndryshimi dhe ata janë më të kënaqurit nga fakti që Parlamenti Evropian, marsin e kaluar, votoi pro abrogimit të ndryshimit orar sezonal.

Ora diellore do të mbetet në fuqi deri më 29 mars 2020 dhe më pas, gjatë vitit në vijim, gjithçka do të varet nga vendimi i çdo vendi anëtar të BE. Sipas Parlamentit Evropian, vendet që do të vendosin të ruajnë orën ligjore duhet të ndryshojnë akrepat për të fundit herë, të dielën e fundit të marsit 2021, ndërsa ata që preferojnë të ruajnë orën diellore, duhet të spostojnë akrepat për të fundit herë të dielën e fundit të tetorit 2021.

Në fakt, ndryshimi i akrepave të orës mund të shkaktojë disa vështirësi, veçanërisht tek subjektet më të ndjeshme dhe të shkaktojë probleme adaptimi. Psikologët dhe ekspertët shpjegojnë se shumë njerëz mësohen me vështirësi me ndryshimin. Spostimi i akrepave vërtetë bëhet vetëm me një orë duke sjellë një ndryshim minimal, por organizmi i njerëzve kërkon ditë për adaptim, mesatarisht një javë. Simptomat më të zakonshme janë lodhja, irritimi, humbja e përqendrimit dhe produktivitetit në punë etj.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: Content is protected !!