Ballina / BOTA / OKB e zgjat mandatin politik në Afganistan

OKB e zgjat mandatin politik në Afganistan

Këshilli i Sigurimit i Kombeve të Bashkuara votoi në mënyrë uninanime të zgjasë mandatin e misionit politik në Afganistan.

Kina kishte kërcënuar me veto, për shkak të një reference në dokument, për projektin e saj infrastrukturor “Rruga e Mëndafshit”.

Por, dallimet u tejkaluan pas bisedimeve intenzive mes anëtarëve të Këshillit të Sigurimit.

Për të kaluar një rezolutë, duhet të ketë nëntë vota pro dhe asnjë veto nga Shtetet e Bashkuara, Kina, Franca, Rusia dhe Britania.

Misioni i Kombeve të Bashkuara në Afganistan, i themeluar në vitin 2002, po ndihmon vendin të përgatitet për zgjedhjet e 28 shtatorit, dhe po bën përpjekje për bisedime paqeje midis qeverisë afgane dhe talibanëve.

Bisedimet midis Shteteve të Bashkuara dhe militantëve talibanë për tërheqjen e trupave të SHBA-së u ndalen në fillim të këtij muaji.
Në Afganistan janë 14.000 forca amerikane dhe mijëra trupa të tjerë të NATO-s, 18 vjet pas pushtimit të vendit nga një koalicion i udhëhequr nga SHBA-ja.

Provo po ashtu

Barnier për Brexitin: Ekziston një “linjë e hollë” për arritje të marrëveshjes në samitin e BE-së

Ekziston një “linjë e hollë” për të arritur marrëveshje për largimin e Britanisë nga Bashkimi …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.