Ballina / KOSOVA / OEK reagon kundër sulmit ndaj Agron Mustafës nga 2 policë
sulmi ndaj mustafës

OEK reagon kundër sulmit ndaj Agron Mustafës nga 2 policë

Oda Ekonomike e Kosovës (OEK) shpreh shqetësimin e thellë për sulmin që i është bërë kreyshefit të Telekomit të Kosovës, Agron Mustafa, nga ana e zyrtarëve të Policisë së Kosovës.

Sipas OEK-ut, sulmi ndaj kryeshefit të ndërmarrjes më të madhe në vend, është sulm që prish imazhin e Kosovës në aspektin e brendshëm dhe të jashtëm dhe është sulm direkt ndaj biznesit vendor.

“Oda Ekonomike e Kosovës është shumë e shqetësuar nga pamjet që i kemi parë ku është sulmuar nga zyrtarë të Policisë së Kosovës, kreshefi i Telekomit të Kosovës, Agron Mustafa. Një akt i tillë ka efekt të shumtë që do të mund të ndikojë në imazhin e biznesit kosovar. Ky sulm e dëmton moralin dhe etikën e një individi, e diskrediton familjen e një individi etj. Me këtë sulm del konkludimi se bizneset e Kosovës, kush duhet t’i mbrojë”, thuhet në komunikatën e Odës Ekonomike e Kosovës (OEK).

Oda Ekonomike e Kosovës shpreh indinjatën për këtë sulm. “Nga ky sulm mund të ketë efekt negativ në imazhin e Kosovës, në ambientin biznesor. Kush do të mund të vijë në Kosovë për të investuar ku nuk ka siguri dhe mund të sulmohet në rrugë”, thuhet në komunikatë.

Oda Ekonomike e Kosovës vlerëson se edhe pse gjatë menaxhimit nga z. Mustafa si në ANP dhe Telekom të Kosovës, këto dy ndërmarrje nuk janë anëtare në Odën Ekonomike të Kosovës, prapëseprapë OEK-u do të dalë në mbrojtje gjithherë kur është nevoja që të mbrohet biznesi kosovar”, thuhet në komunikatën e OEK-ut.

Oda Ekonomike e Kosovës kërkon nga institucionet e Kosovës dhe ndërkombëtare që të zbardhin sa më shpejt këtë sulm, pasi që ky sulm është një sulm i drejtuar direkt ndaj ekonomisë kosovare.

“Me pamjet që shihet duke u sulmuar Agron Mustafës nga ana e zyrtarëve të Policisë së Kosovës, po dëmtohet shumë imazhi i Kosovës për të pasur më shumë investime dhe zhvillim të Kosovës. Është koha të merren vendime dhe të kemi sundim të rendit dhe të ligjit”, thuhet në komunikatë.

Nga sulmi që i është bërë Agron Mustafës nga ana e zyrtarëve të Policisë së Kosovës, Oda Ekonomike e Kosovës vlerëson se do të ketë efekt të rëndë për Kosovën.

“Institucionet e Kosovës duhet të marrin vendime që akterët për këtë sulm të dalin para drejtësisë. Nëse nuk ka rezultat atëherë do të prishet imazhi dhe do të bie më shumë besimi ndaj institucioneve të Kosovës për të pasur më shumë drejtësi”, thuhet në komunikatën e Odës Ekonomike e Kosovës (OEK).

Check Also

bllokimi i rrugeve

Të hënën bllokohen tri rrugë

Aty do të realizohen tri përformanca artistike dhe sensibilizuese, ku do të jenë të përfshirë …

Leave a Reply

Your email address will not be published. Required fields are marked *