Ballina / KOSOVA / O’ Connell: Nuk ka faj KSHC që nuk janë akredituar universitetet
Ruairi O Connell, Ambasadori i Britanisë së Madhe në Kosovë
Ruairi O Connell, Ambasadori i Britanisë së Madhe në Kosovë

O’ Connell: Nuk ka faj KSHC që nuk janë akredituar universitetet

Ambasadori i Britanisë së Madhe në Kosovë, Ruairi O’Connell ka reaguar në Facebook rreth vendimit të Këshillit Shtetëror të Cilësisë për mos akreditimin e tri universiteteve publike.

O’Connell ka thënë se KShC-ja duhet të lejohet të veprojë në mënyrë të pavarur nga politika.

“Të rinjtë e Kosovës meritojnë një edukim të mirë që njihet ndërkombëtarisht. Institucionet e pavarura duhet të lejohen të veprojnë në mënyrë të pavarur pa ndërhyrje politike”.

Ai e ka quajtur vendimin e KSHC-së të vështirë por të domosdoshëm.

“Vendimi i Këshillit Shtetëror të Cilësisë për tërheqjen e akreditimit është një vendim i vështirë. Por universitetet duhet të plotësojnë disa kritere, veçanërisht nëse duan që vendet e tjera evropiane të njohin diplomat e tyre. Nëse universitetet kanë dështuar, pavarësisht paralajmërimeve, për të përmbushur kërkesat minimale të cilësisë, është faji i tyre, jo faji i Këshillit”.

Më tej ambasadori ka thënë se Qeveria britanike dhe Këshilli Britanik i Akreditimi vazhdimisht janë përpjekur të ndihmojnë universitetet në Kosovë.

“Qeveria britanike dhe Këshilli Britanik i Akreditimit janë përpjekur të ndihmojnë universitetet publike dhe private për të përmbushur kërkesat e cilësisë. Tani kjo çështje është një provë e vërtetë për Kosovën. Rezultati do të tregojë nëse sistemi arsimor i Kosovës është ndërtuar për t’u shërbyer qytetarëve të saj dhe interesit kombëtar, ose për t’i shërbyer një grupi të ngushtë njerëzish dhe interesash private”

Provo po ashtu

Albin Kurti bashkëbisedon live me qytetarët përmes Facebook-ut

Albin Kurti, lider i Vetëvendosjes, përmes një paraqitje në rrjetin social Facebook, ka thënë se …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.