Ballina / BOTA / Nju Jorku në luftë kundër minjëve; Një i vdekur nga leptospiroza
In Fabric

Nju Jorku në luftë kundër minjëve; Një i vdekur nga leptospiroza

Në Grand Concourse të Bronxit në Nju Jork (New York) gjatë muajit shkurt ishte raportuar për një të vdekur nga “leptospiroza” e ngjitur në urinën e minjve

New York, qyteti më i madh dhe qendra ekonomike e Shteteve të Bashkuara të Amerikës (SHBA), ka ndarë buxhet prej 32 milionë dollarësh për luftën kundër minjve, raporton AA.

Bashkia e New York-ut ka rritur synimin në luftën kundër minjve, numri i të cilëve në këtë qytet supozohet të jetë rreth dy milionë.

Kryesia e Bashkisë ka njoftuar se ka ndarë buxhet prej 32 milionë dollarësh për të reduktuar rreth 70 përqind të këtyre brejtësve, që njihen për dëmin në shëndetin e njeriut në këtë qytet.

“Nuk i pranojmë minjtë si pjesë normale e jetës në New York”, ka thënë kryetari i bashkisë Bill de Blasio në një deklaratë.

Blasio ka theksuar se rajonë të synuara të kësaj lufte janë Chinatown, East Village dhe Lower East Side në Manhattan, Bushwick dhe Bedford-Stuyvesant në Brooklyn dhe Grand Cocourse në Bronx.

Në kuadër të luftës kundër minjve, qyteti planifikon të vendosë kompaktorë solarë për mbeturina dhe kuti të çelikut, për t’i zëvendësuar shportat e vjetra prej teli.

Në Grand Concourse të Bronxit në muajin shkurt ishte raportuar për një të vdekur nga “leptospiroza” e ngjitur në urinën e minjve.

Nga ana tjetër, Drejtoria e Shëndetësisë e New York-ut ka njoftuar se që nga viti i ri kanë marrë mbi 10 mijë ankesa nga qytetarët lidhur me minjtë.

Në ndërkohë, shefja e Departamentit të Sanitarisë së New York-ut, Kathryn Garcia, u është drejtuar njujorkezëve duke thënë se “Mënyra më e mirë për t’i zhdukur minjtë është që ata të privohen nga koshet e mbeturinave në shtëpi dhe ushqimet në koshet e mbeturinave në rrugë”.

Check Also

Kurti: Kam përkrahjen e ambasadorëve për qeverinë

Kandidati i “Vetëvendosjes” për kryeministër, Albin Kurti,  ka bërë të ditur se edhe ambasadorët e …

Leave a Reply

Your email address will not be published. Required fields are marked *