Ballina / Shkencë / Një mega tërmet mund ta godas Zelandën e Re
termeti

Një mega tërmet mund ta godas Zelandën e Re

Një mega tërmet mund ta godas Zelandën e Re.

Zelanda e Re mund të goditet nga tërmete dhe cunami shkatërruese pas disa rrëshqitjeve të fuqishme në një zonë sizmike që ishte në gjendje të fjetur prej një kohë të gjatë, paralajmërojnë shkencëtarët.

Gjeologët pretendojnë se zona e rrezikshme e Hikurangit ka filluar të lëvizë pas tërmetit shkatërrues të vitit 2016, i cili u mori jetën dy personave.

Ata deklarojnë se hendeku, i cili e ka drejtimin për në det të hapur dhe nis nga maja e Ishullit Gisborne, mund të prodhojë tërmete vdekjeprurëse 9,0 ballësh dhe cunami mjaft të fuqishëm që mund të arrijnë qendrat e banuara në vetëm shtatë minuta.

Gjeologët pohojnë se Hikurangi ka filluar tashmë të lëvizë. Tërmetet intensive shkaktohen kur pllakat tektonike përgjatë kufirit përplasen me njëra-tjetrës, duke krijuar një “mega-tërmet”.

Tërmetet e mëparshme përgjatë zonave të tilla përfshijnë ngjarjen katastrofike në Sumatra, ku një tërmet 9.1 ballësh gjatë Ditës së Boksit, u mori jetën e rreth 250,000 njerëzve.

Ndërsa tërmeti i ngjashëm 9.0 ballësh në Thoku të Japonisë, në vitin 2011 është një tjetër shembull që rezultoi me një cunami të fuqishëm që goditi centralin e energjisë bërthamore të Fukushimas dhe la gati 16,000 të vdekur.

“Duhet të mendojmë tërmetin e Japonisë para se t’u themi njerëzve që tërmeti në Hikurangi nuk është gjë e madhe”, tha shkencëtarja e GNS-së Ursula Cochran.

Ajo tha se zona që mund të prekej nga tërmeti përfshinte tërë bregun lindor të Zelandës së re, raporton “Daily Mail”. “Megjithatë, rreziku më i madh nuk do të ishte vetë tërmeti, por një cunami i shkaktuar nga lëvizja e pllakave”, u shpreh ajo.

Check Also

Këto viruse mund të zhdukin qytetërimin

Ekspertët e Organizatës Botërore të Shëndetësisë dhe Qendra e SHBA për Kontrollin dhe Kontrollin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *