Ballina / Lajme / Ngordhi Zhaku, luani i Fierit
luani, zhaku, franca, shqiperia, kafshet

Ngordhi Zhaku, luani i Fierit

Ishte shumë vonë për Zhakun, veshkat e tij ishin shumë të dëmtuara

Ka ngordhur luani i kopshtit zoologjik “Safari Park”, vetëm dy muaj pasi u largua nga Shqipëria për në Holandë. I njohur me emrin Zhak, ai ishte një nga luanët e keqtrajtuar në kopshtin zoologjik të Fierit.

Në muajin maj luanët u dërguan për t’u shpëtuar në qendrën Felida, por Zhak nuk ja ka dalë. Sipas tyre për këtë luan ishte tepër vonë, pasi veshkat e tij ishin shumë të dëmtuara. Ndërkaq, qendra Felida shpreh ngushëllimet e saj.

“Ky luan miqësor dhe mbresëlënës, i cili jetonte në një ferr në Tokë për vite në një kopsht zoologjik privat në Shqipëri, nuk është më me ne. Zemrat tona janë thyer dhe na vjen keq që duhet ta ndajmë lajmin e trishtuar me ju.

Por ishte shumë vonë për Zhakun. Veshkat e tij ishin shumë të dëmtuara. Mjekët tanë veterinarë gjetën se Zhaku kishte pësuar një mosfunksionim të veshkave vitin e kaluar. Gjendja e tij u konfirmua muajin e kaluar gjatë një kontrolli mjekësor. Pavarësisht nga ky lajm, ne shpresonim për t’i mundësuar Zhakut për të jetuar një jetë të mirë me ndihmën e ilaçeve”, është thënë në kumtin nga kjo qendër, përcjell noa.

“I dashur Zhaku, do të kishim dashur të të jepnim më shumë. Ne donim të të jepnim një jetë të mirë. E meritoje aq shumë pas gjithë atyre viteve vuajtje. Ne shpresojmë që ti të jesh i kënaqur me diellin, rërën, barin dhe qetësinë gjatë qëndrimit tënd të shkurtër me ne. U prehsh në paqe!”, shkruan më tej kjo qendër.

Provo po ashtu

Arba, zëri i Suedisë në Parlamentin Evropian

Eurodeputetja e parë shqiptare në Parlamentin Evropian, Arba Kokalari ka filluar sot zyrtarisht punën e …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.