Në Davos të Zvicrës ka filluar Forumi i 50-të Ekonomik Botëror, Kosovën e përfaqëson Presidenti

Në Davos të Zvicrës ka filluar Forumi i 50-të Ekonomik Botëror (WEF) në të cilin po të marrin pjesë rreth 3 mijë biznesmenë, politikanë, akademikë dhe përfaqësues të institucioneve të shoqërisë civile.

Samiti i këtij viti i Forumit Ekonomik Botëror ku marrin pjesë politikanët më me ndikim të botës dhe përfaqësues kryesorë të botës së biznesit, filloi me temën “Palët e një bote harmonike dhe të qëndrueshme”.

Në Samitin e Davosit, i cili këtë vit zhvillohet për herë të 50-të, marrin pjesë 3 mijë biznesmenë, politikanë, akademikë dhe përfaqësues të OJQ-ve nga 117 vende.

Shumë vende në Davos përfaqësohen në nivel presidencial dhe atë kryeministror.

Pritet që në samit të mbajnë fjalim presidenti amerikan Donald Trump, kancelarja gjermane Angela Merkel, kryeministri italian Giuseppe Conte, presidentja e Komisionit Evropian, Ursula von der Leyen dhe kryeministri spanjoll Pedro Sanchez.

Kosova pëprfaqësohet me pjesëmarrjen e presidentit, Hashim Thaçi.

“Në Davos të Zvicrës, pak para nisjes së diskutimeve për dialogun diplomatik për Ballkanin Perëndimor. Në Forumin Botëror Ekonomik të Davosit do të shprehë edhe një herë synimet e Republikës së Kosovës për një stabilitet të qëndrueshëm ekonomik, për një perspektivë të qartë të integrimeve evropiane dhe për një fqinjësi të mirë në mes të të gjitha vendeve të rajonit tonë”, ka shkruar Thaçi në Facebook.

Në takimet që do të zhvillohen në kuadër të samitit, do të diskutohen kryesisht temat për ndryshimet klimatike, ato tregtare, ekonomike dhe diplomatike.

Ambientalistët po zhvillojnë protesta para ambientit ku po mbahet samiti, ndërsa masat intensive të sigurisë tërheqin vëmendjen.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.