fbpx
Kim Jong, korea veriore

NATO : Evropa – brenda shtrirjes raketore të Koresë Veriore

Raketat e Koresë Veriore tashmë kanë kapacitet për ta goditur Evropën, gjë që i vë në rrezik anëtarët e NATO-s, ka thënë shefi i aleancës Jens Stoltenberg para një vizite në Japoni dhe Korenë Jugore.

Megjithatë, ai ka insistuar se aleanca ushtarake ka aftësi për t’iu përgjigjur çdo kërcënimi.

“Ne e pranojmë se Evropa është futur në shtrirjen raketore [të Koresë Veriore], dhe shtetet anëtare të NATO-s tashmë janë në rrezik”, ka thënë sekretari i përgjithshëm i NATO-s Stoltenberg për gazetën “Yomuiri Shumbun”.

Ai ka theksuar se NATO i ka mbrojtur vendet e veta anëtare nga kërcënimet e raketave balistike, por nevojiten më shumë përpjekje diplomatike për të gjetur një zgjidhje paqësore për këtë konflikt.

“NATO ka kapacitete dhe vendosmërinë për t’iu përgjigjur çfarëdo kërcënimi dhe agresioni”, e ka bërë të qartë Stoltenberg, duke insistuar se aleanca ushtarake nuk dëshiron luftë.

“Asnjë aleat i NATO-s dhe natyrisht as vetë NATO nuk dëshirojnë luftë… sepse do të ishte katastrofë”, ka thënë ai.

Stoltenberg do ta vizitojë Japoninë sot dhe nesër.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.