Ballina / Shkencë / NASA: Njihuni me fqinjët!
nasa

NASA: Njihuni me fqinjët!

Fizikisht njerëzimit me teknologjinë aktuale i duhen miliona e miliona vite që të shkëputet nga galaksia e vet dhe të udhëtojë drejt galaksive fqinje.

Megjithatë, po falë teknologjisë këto galaksi janë vetëm një shkrepje larg. NASA publikoi fotot më të pastra e njëkohësisht mahnitëse të përfituara falë punës së teleskopit Hubble.

Imazhet janë pjesë e një projekti të quajtur “LEGUS”, akronim për “Legaxy ExtraGalactic UV Survey” me të cilin studiuesit e agjencisë hapësinore ndërkombëtare po punojnë prej vitesh.

Projekti synon ndërtimin e një atlasi gjigant me imazhe me ngjyra, që do të shërbejë për kuptimin dhe ndërtimin e hartave më të sakta për atë pjesë të universit që njeriu është në gjendje të shohë deri më tani, e që falë teknologjisë nuk është i vogël.

Kureshtjen e publikut, NASA e ka shuar disi me publikimin e një katalogu të vogël.

“Nuk kemi patur kurrë më parë një katalog yjësie me foto, ku është përdorur teknologjia me rreze ultravjollcë”, thotë e emocionuar Daniela Calzetti, e Universitetit të Masachusetts.

Rrezet ultravjollcë mundësojnë që në imazhet e shkrepura të fiksohen edhe yjet më të rinj e në formim e sipër, drita e të i cilëve është tepër e zbehtë për t’u kapur me metodat tradicionale.

@Fluidi

Provo po ashtu

Si shfaqen mikrobet shëtitëse nëpër botë

Si shfaqen mikrobet “shëtitëse” nëpër botë?

Rreth 20 vjet më parë, shkencëtarët filluan të gjenin viruse të ngjashme gjenetikisht në mjedise …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.