Ballina / RAJONI / Mogherini fton 3 presidentë dhe 3 kryeministra, anashkalohet Haradinaj
Shefja e politikës së jashtme të Bashkimit Evropian, Federica Mogherini.

Mogherini fton 3 presidentë dhe 3 kryeministra, anashkalohet Haradinaj

Presidentëve të Kosovës dhe Serbisë, Hashim Thaçi dhe Aleksandar Vuçiq, u kanë dalë mjaft punë me njëri-tjetrin këto ditë. Pas mbledhjes së jashtëzakonshme të Këshillit të Sigurimit të OKB-së, ata do të jenë bashkë në një tavolinë të thirrur nga Zyrtarja e Lartë e BE-së, Federica Mogherini.

Takimi në Bruksel do të jetë i një formati të veçantë, pasi do të jenë të ftuar tre presidentë dhe 3 kryeministra të vendeve të Ballkanit Perëndimor.

Mogherini ka zgjedhur që të mos e ftojë kryeministrin e Kosovës, Ramush Haradinaj, por presidentin Hashim Thaçi.

Përveç Thaçit, Mogherini do ta ftojë edhe presidentin e Serbisë dhe Malit të Zi, si dhe kryeministrat e Shqipërisë, Maqedonisë dhe Bosnjës.

Takimin që do të mbahet më 19 dhjetor, e ka konfirmuar vetë Vuçiqi para dy netësh, kur u pyet lidhur me angazhimin për ulje të tensioneve mes Prishtinës dhe Beogradit.

Sidoqoftë, mësohet se deri tani vetëm kryeministri shqiptar, Edi Rama, nuk e ka konfirmuar pjesëmarrjen për shkak të protestave masive në Shqipëri, ndërkohë që të ftuarit e tjerë do të jenë nesër në Bruksel.

@Fluidi

Provo po ashtu

Shqipëria feston Ditën e Pavarësisë

Në Shqipëri sot është festuar 106 vjetori i shpalljes së Pavarësisë. Autoritetet më të larta …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.