Ballina / KOSOVA / Mali i Zi: Paguaj taksën ose dënohesh
mali i zi bregdeti_kotorri
Kotor fjord and the old city; Kotor, Montenegro, Image: 199011471, License: Royalty-free, Restrictions: , Model Release: no, Credit line: Profimedia, Designpics

Mali i Zi: Paguaj taksën ose dënohesh

Dënimi i turistëve që s’e kanë paguar këtë taksë u bë në pikë kalimin kufitar në Sukobinë

Sot u bë e ditur se policia malaziase ka dënuar me një gjobë prej 40 eurove turistët nga Kosova që nuk kanë paguar taksën turistike, që është vënë nga Organizata Turistike e Ulqinit.

Kjo organizatë kishte vënë një taksë që secili turist i huaj që viziton këtë komunë duhet të paguajë taksën turistike 0.70 centë për 24 orë, derisa për fëmijë ajo kushton 0.35 centë për çdo ditë qëndrimi.

Dënimi i turistëve që s’e kanë paguar këtë taksë u bë në pikë kalimin kufitar në Sukobinë.

Aplikimi i kësaj takse dhe gjobitja në pikë kalimin kufitar në dalje të Ulqinit për Shqipëri ka bërë që të krijohen kolona të gjatë, pasi që policia secilit udhëtar që nuk ka paguar taksën u ka shqiptuar gjobën prej 40 eurove, e të cilat duhet paguar menjëherë.

Kjo taksë ka ngritur shqetësime të mëdha jo vetëm tek turistët, por edhe tek kompanitë e autobusëve, të cilëve pas gjobitjeve të udhëtarëve, u ka rënë në mënyrë drastike edhe numri i udhëtarëve drejt Ulqinit dhe të cilët thonë se nëse nuk ndalet kjo formë, do t’i ndalin edhe autobusët për shkak të mungesës së udhëtarëve.

Qytetarët dhe kompanitë e autobusëve nga Kosova që në numër të madh kalojnë pushimet në Ulqin, kanë pasur vërejtje edhe në taksën prej 2.5 euro në Stacion të Autobusëve në Ulqin, e po ashtu edhe çmimet e peronizimit e parkimit të autobusëve që janë të larta.

Shqetësuese po ashtu që nga paslufta është edhe sigurimi i automjeteve dhe që dy shtetet duhet të arrijnë një marrëveshje për sigurimin.

Zëvendësministri i Turizmit të Malit të Zi, Qazim Hoxha, ka sqaruar për Syri.net se taksa prej 0.70 centëve për çdo ditë duhet paguar nga turistët dhe që pronarët e shtëpive ku ata banojnë janë të obliguar t’i pajisin me pagesën e taksës turistike.

Ai tregoi se kanë bërë sensibilizimin e opinionit lidhur me këtë taksë. “Jam i informuar se policia ka gjobitur turistët në pikë kalimin kufitar në Sukobinë, por turistët duhet të paguajnë taksën turistike. Do të shohim mundësinë  se çfarë do të bëhet”, tha zv. ministri i Turizmit i Malit të Zi.

Provo po ashtu

Arvanita Syla ka nevojë për ndihmën tuaj

Arvanita Syla ka nevojë për ndihmë. Redaksisë i ka arritur ky apel për te: Duke …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.