Ballina / KOSOVA / Kosova ka më shumë ministri se Kina !
In Fabric
institucionet e Kosoves_infoglobi

Kosova ka më shumë ministri se Kina !

Demokracia në Veprim ka prezantuar një grafikë ku tregohet madhësia e qeverive të vendit dhe të rajonit. Duke krahasuar numrin e ministrive, zëvendës ministrave si dhe numrin e banorëve, del se Kosova prinë në vendet e rajoneve me numër të ministrive dhe zëvendës ministrave.

“Në vitin 2016 në kategorinë paga dhe mëditje në total të gjitha ministritë kishin shpenzuar më shumë se 225 milionë euro, duke qenë një barrë jashtëzakonisht e madhe për buxhetin e shtetit.”, thuhet në njoftimin e DnV.

Sipas DnV ndarja e pushtetit në mes subjekteve politike dhe koalicioneve për të udhëhequr me shtetin, ka bërë që në mënyrë graduale të rritet numri i ministrive nga mandati në mandat, duke krijuar dikastere qeveritare të panevojshme.

“ Sa kaq edhe në proporcion me numër të banorëve Kosova renditet menjëherë pas Malit të Zi, ndërsa në raport me Maqedoninë që ka përafërsisht numër të njëjtë të banorëve, ka konsiderueshëm numër më të madh të ministrive.”, bëhet e ditur nga Demokracia në Veprim

Dnv rekomandon që të zvogëlohet numri i ministrive si dhe të riorganizohen disa të tjera, në mënyrë që të bëhet lehtësim për buxhetin e vendit dhe për të kursyer paranë publike. Sipas DnV Qeveria e Republikës së Kosovës qëndron prapa qeverive të rajonit edhe më përfshirjen e grave në qeveri, me vetëm dy gra të emëruara si ministre.

“Në krahasim me Shqipërinë e cila ka në përbërjen e qeverisë 10 gra ministre dhe një zv. kryeministre, Kosova qëndron dukshëm prapa.”, thuhet në njoftimin e DnV.

Sipas hulumtimit të realizuar nga InfoGlobi Kosova j vetëm që prinë për nga numri i ministrive në rajon, por ajo është më keq se shumë shtetet tjera të botës.

Fjala bie, përderisa Kosova që ka më pak se 2 milionë banorë, i ka 5 zëvendëskryeministra dhe 21 ministra, Kina që ka 1.3 miliard banorë ka vetë 4 zëvendëskryeministra dhe 20 ministra. /infoglobi

Check Also

Rasti Medikus: Dy pacientëve u mungon veshka

Mjekja ligjore Carmen Barbu tha në gjykimin e Lutfi Dervishit se dy dëshmitarëve të mbrojtur …

Leave a Reply

Your email address will not be published. Required fields are marked *