'Kafetina' mbylli 4 ordinanca

Njësia e Hetimeve të Krimeve Ekonomike dhe Korrupsionit në Prizren pas informatës për dyshimin se në disa fshatra të rajonit të Prizrenit, po zhvillohet veprimtari ilegale, ka ndërmarr një operacion.

Duke vepruar në bazë të urdhëresës së Gjykatës Themelore në Prizren Policia ka realizuar planin operativ të koduar me emrin “KAFETIN”, për parandalim të ushtrimit të veprimtarive të kundërligjshme.

Në planin operativ me qëllim të zbatimit të urdhëresës janë përfshirë edhe Inspektorët e Administratës Tatimore nga Prizreni, Inspektorët e Ministrisë së Shëndetësisë, gjegjësisht Inspektorët e Agjensionit Kosovar për Produkte Medicinale, me të cilët është bërë kontrollimi i ordinancave mjekësore.

Gjatë kontrollit Inspektorët kanë konstatuar se në katër lokacione ordinancat mjekësore punonin ilegalisht dhe posedonin barëra që dyshohet se iu shiteshin pacientëve në mënyrë të kundërligjshme, mëson infoglobi.

Të gjitha ordinancat e dyshuara janë mbyllur nga Inspektorët e Ministrisë së Shëndetësisë , kurse barërat janë sekuestruar nga Inspektorët e AKPM-së në kuadër të Ministrisë së Shëndetësisë.

Gjatë këtij operacioni janë sekuestruar dokumentacione të ndryshme, barëra dhe bazuar në provat, dëshmitë dhe hetimet e mëtutjeshme pritet që personat e implikuar të ndiqen penalisht.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.