Ballina / BOTA / Japoni: Akihito heq dorë zyrtarisht nga pushteti mbretëror
Perandori japonez Akihito dhe gruaja e tij Michiko, japoni,
Perandori japonez Akihito dhe gruaja e tij Michiko

Japoni: Akihito heq dorë zyrtarisht nga pushteti mbretëror

Perandori japonez Akihito ka filluar ritualet për abdikimin e tij.

Akihito, 85 vjeçar, vizitoi memorialin kryesor të Kashikodokoro për të raportuar abdikimin ndaj perëndive, hapi i parë në një ditë ritualesh që do të kulmojnë në mesnatë, kur djali i tij Princi i Kurorës Naruhito do të fillojë mbretërimin e tij si perandor i ri i Japonisë.

Naruhito, 59 vjeç, do të bëhet perandori i 126-të në monarkinë më të vjetër të trashëguar në botë.

Në ceremoninë kryesore të abdikimit në Pallatin Perandorak pritet të marrë pjesë kryeministri Shinzo Abe, kryetarët e të dyja dhomave të parlamentit dhe gjyqtarët e Gjykatës Supreme.

Abe do të njoftojë abdikimin dhe Akihito pritet të bëjë deklaratat e tij të fundit publike si perandor.

Akihito u bë perandor në vitin 1989 dhe gjatë sundimit të tij i kushtoi shumë kohë kapërcimit të trashëgimisë së rolit të Japonisë në Luftën e Dytë Botërore.

Një sondazh i kohëve të fundit tregoi se familja perandorake gëzon 80 për qind të mbështetjes publike, nivel ky më i larti i mbështetjes i regjistruar ndonjëherë.

Akihito do të marrë titullin e perandorit emeritus, por nuk do të ketë detyra zyrtare.

Akihito njoftoi synimin e tij për të abdikuar në 2016, duke thënë se ai kishte frikë se shëndeti i tij nuk do të lejonte që ai të kryej detyrat e tij.

Provo po ashtu

Partia e ekstremit të djathë kandidon yllin e pornos

Ish-modelja e “PlayBoy” e kthyer në politikane, Ania Krosinska, ka shpallur kandidaturën e saj për …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.