horoskopi

Horoskopi për 15 Korrik

Dashi

Sot dita nis e qetë dhe në punë keni një bashkëpunim shumë të mirë me kolegët tuaj. Mbrëmja në shoqërinë e partnerit/es do të ketë surpriza. Beqarët më mirë të tregohen realistë dhe të jenë me këmbë në tokë nëse duan të ndryshojnë statusin dhe të mos pësojnë zhgënjime. Financat do vinë duke u përmirësuar.

Demi

Priten lëvizje të mëdha në fushën e dashurisë për ju që jeni në një marrëdhënie në çift. Kjo gjë do t’ju habisë, por dhe do t’ju kënaqë sepse do të keni ndryshime pozitive. Beqarët do realizojnë takime interesante, por mirë është të mos marrin vendime që lidhen me të ardhmen e tyre. Financat do jenë të mira, fati do jetë me ju.

Binjakët

Sot e keni me shumë siklet të çoheni të përgatiteni për në punë. Një ditë që do të donit ta kalonit shtrirë dhe ngrohtë në shoqëri të njeriut të zemrës. Beqarët nuk do kenë aspak fat në dashuri dhe nuk do ja dalin dot të bëjnë për vete personin që pëlqejnë. Në planin financiar do arrini ta stabilizoni situatën dhe do hidhni pas krahëve problemet.

Gaforrja

Jeni racionalë sot në ato që ndodhin dhe e kuptoni që jo gjithmonë njerëzit tuaj të afërt kanë të drejtë. Mundohuni t’i ndani idetë tuaj edhe me partnerin/en. Beqarët në momentet kur nuk e presin fare do kenë tërheqje për një person sa do fillojnë të besojnë te dashuria me shikim të parë. Në planin financiar kujdes me shpenzimet.

Luani

Dita e sotme është e ndarë në dy pjesë, mëngjesi ju gjen sa më praktikë dhe me këmbë në tokë ndërsa mbrëmja është euforike në prani të partnerit/es. Beqarët edhe pse nuk do ja dalin dot të ndryshojnë statusin, nuk do e ndjejnë vetminë falë shoqërisë së mirë të miqve. Financat do jenë të mira, do kenë ndikimin pozitiv të planetëve.

Virgjëresha

Keni qejf të rrini në shoqëri të mirë sot dhe në mbrëmje mbase të lexoni një libër të bukur. Ju mungojnë ditët e qeta bashkë me partnerin/en. Beqarët do realizojnë takime pa fund gjatë ditës së sotme por nuk do jenë të vendosur për hapat që duhet të hedhin. Financat do jenë me fat sot, do arrini ta keni situatën nën kontroll.

Peshorja

Mendoni se sot jeni zgjuar pa asnjë interes dhe disi të plogësht. Me fillimin e ditës do të shikoni që gjithçka do të ndryshojë. Beqarët do vazhdojnë të mbeten ende me vetminë e tyre sot, edhe pse ftesat për takime do jenë të shumta. Financat do jenë të mira dhe do arrini ta përmirësoni situatën.

Akrepi

Sot ndjeheni vetëm dhe kjo gjë po ju rëndon psikologjikisht. Do të donit të kishit pranë njeriun tuaj të zemrës, por që angazhimet në punë nuk jua japin këtë mundësi. Beqarët nuk do e kenë mendjen fare te dashuria dhe nuk do i kushtojnë rëndësinë e duhur ftesave për takime. Në planin financiar situatën do e keni nën kontroll.

Shigjetari

Një zhvillim i papritur sot premton ndryshime radikale në jetën tuaj në çift. Duhet të merrni vendime që kanë të bëjnë me të ardhmen tuaj. Beqarët nuk duhet të mbyllen në vetvete nëse nuk duan të qëndrojnë më të vetmuar, gjithsesi këshillohet të hedhin hapat një nga një. Financat nuk do jenë të këqija, gjithsesi shpenzoni me maturi.

Bricjapi

Të gjithë vëmendjen tuaj sot do ta marrë mbrëmja. Po përgatiteni për një festë mes miqsh ku sigurisht do të jeni ju protagonist. Beqarët do humbasin mundësi të mira për të ndryshuar statusin sepse do refuzojnë të gjitha ftesat për takime pasi nuk ndihen gati për ndryshime. Financat do varen nga mënyra juaj e menaxhimit.

Ujori

Sot për siguri, po qëndroni larg ndjenjave. Partneri/ja po ndikon tek ju në çdo moment të ditës por akoma nuk po e pranoni dot këtë. Beqarët do takojnë një person me të cilin do ndjehen mirë dhe do mendojnë për të hedhur edhe hapa të mëtejshëm. Financat nuk do kenë probleme, do arrini ta mbani situatën të stabilizuar.

Peshqit

Po luani rolin e viktimës kur në të vërtetë ju nuk jeni të tillë. Mundohuni të hiqni dorë sa më shpejt nga kjo sjellje. Beqarët do tregohen mjaft joshës në takimet që do realizojnë dhe mund të bëjnë për vete këdo që pëlqejnë. Financat nuk do jenë problematike, gjithsesi shpenzimet me maturi nuk do ishin aspak keq nga ana juaj.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

error: Content is protected !!