Ballina / TEKNOLOGJI / Google vs BE, apelohet gjoba rekord
google

Google vs BE, apelohet gjoba rekord

Google ka vendosur të apelojë gjobën 2.4 miliardë euroshe të vendosur nga Komisioni Europian në muajin qershor.

Atëherë, kompania amerikane e teknologjisë nuk e komentoi vendimin e KE-së, por e kundërshtoi shkurtimisht atë. “Me respekt të thellë ndaj BE-së, ne nuk biem dakord me këtë vendim”, deklaroi një zëdhënës i Google.

Gjiganti amerikan i teknologjisë u gjobit pasi rregullatori i konkurrencës në BE gjeti me shkelje faktin që në krye të motorit të kërkimit, Google vendoste shërbimet e veta të shitjeve. Kjo u cilësua si abuzim me pushtetin që i siguron monopoli në këtë treg.

Gjoba është më e madhja e këtij lloji e vendosur ndonjëherë nga BE dhe Komisionerja për Konkurrencën, Margrethe Vestager deklaronte në qershor se Google rrezikonte të tjera penalitete nëse vazhdonte më praktikat e saj.

Vendimi i apelimit nuk ishte surprizë dhe ekspertët thonë se është hapi i parë i një beteje të gjatë ligjore mes Brukselit dhe Google, që me gjasa do të shtrihet përtej motorit të kërkimit.

Kjo është sinjalizuar nga Komisioni i Konkurencës, që i ka dhënë 90 ditë kohë Alphabet, kompanisë nënë të Google, për të hequr dorë nga praktikat antikonkuruese në treg, në të kundërt do të gjobitet deri në 5 përqind të xhiros ditore që kompania bën në rang global.

Gjithashtu, nën hetim nga BE për shkelje të ligjeve të konkurencës së unionit është edhe sistemi Android, edhe ky produkt i Google.

Check Also

Google search

Komisioni Evropian përgatit gjobën e dytë për #Google

Bashkimi Evropian po përgatitet të gjobisë #Google për perandorinë multi miliardëshe të reklamimit ndërsa hetimet …

Leave a Reply

Your email address will not be published. Required fields are marked *