Futbollistet tona triumfojnë

Rruga për në Euro 2021 duke shënuar fitore kundër Turqisë

Kombëtarja e Kosovës  e femrave startoi shkëlqyeshëm  në ciklin kualifikues për Euro 2021.

Në ndeshjen hapëse të Grupit A “Dardanet” kanë shënuar fitore kundër Turqisë, me rezultat 2:0.

Gjatë  90 minutave I egzaltuan me lojë mbi 4 mijë tifozë të mbledhur në stadiumin “Fadil Vokrri” në Prishtinë.

Rezultatin e filloi pozitivish futbollistja Modesta Uka, në minutën e 33-të, kur gjuajti saktë në rrjetën e portës turke.

Shumë shpejt e shënuan edhe golin e dytë,  këtë radhe ishte Liridona Syla, e cila me një gjuajtje të fortë e nguliti topin në rrjetë për 2:0, kur po zhvillohej minuta e 39-të.

Kosova për kundërshtar në grup ka edhe Holandën (kampione në fuqi e Evropës), Rusinë, Slloveninë dhe Estoninë.

Ndeshjen e ardhshme Dardanet do ta luajnë më 3 shtator si mysafire kundër Sllovenisë.