Ballina / Biznes / Karrierë / Fuqizohet tregu i punës në Britaninë e Madhe

Fuqizohet tregu i punës në Britaninë e Madhe

Tregu i punës në Mbretërinë e Bashkuar është fuqizuar në tremujorin e dytë, ndërkohë që norma e papunësisë ra në nivelin më të ulët që prej vitit 1975.

Të dhënat e Zyrës Kombëtare të Statistikave treguan se norma e papunësisë në tremujorin e dytë, ra në 4.4%, poshtë vlerësimeve të analistëve prej 4.5%.

125 mijë vende pune u krijuan në periudhën Prill-Qershor, duke e çuar treguesin e papunësisë poshtë normës së ekuilibrit të Bankës së Anglisë prej 4.5%.

Megjithatë, të dhënat për rritjen e pagave theksuan sfidat që paraqiten për Theresa May dhe qeverinë e saj, ndërkohë që ekonomitë familjare po ndiejnë vështirësitë nga rritja e çmimeve që prej daljes nga Bashkimi Europian.

Ndërsa inflacioni është ngadalësuar lehtë që prej muajit Maj ku shënoi nivelin më të lartë në 4 vite prej 2.9%, çmimet po rritjen ende më shpejtë se pagat.

Zyra e Statistikave raportoi se të ardhurat totale përfshirë bonuset u rritën me një normë vjetore prej 2.1% në tremujorin e dytë, nga 1.9% që ishte rritja për të parin, duke marrë nxitje nga pagesat e bonuseve në sektorin financiar.

Pavarësisht se projeksionet qëndronin për një rritje më të ulët, të ardhurat reale ranë me 0.5% gjatë kësaj periudhe.

Banka e Anglisë po monitoron me detaje rritjen e pagave dhe projektoi një rritje me 2% për këtë vit, duke u përshpejtuar në dy vitet e ardhshme. Sterlina u rrit lehtë pas publikimit të të dhënave, duke arritur 1.29 kundër dollarit amerikan./Scan

Provo po ashtu

euro

Remitenca e diasporës së Bullgarisë arrin në 624 mln euro për 6 muaj

Sipas të dhënave të Bankës Popullore Bullgare deri më 30 qershor 2019 në Bullgari janë …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.