Ballina / TEKNOLOGJI / Franca thirrje qeverive botërore: Të organizojmë internetin
macron 2

Franca thirrje qeverive botërore: Të organizojmë internetin

Franca dhe gjigantët amerikanë të teknologjisë, duke përfshirë Microsoft u kanë bërë thirrje qeverive botërore dhe kompanive që të jenë pjesë e iniciativës për të rregulluar internetin dhe të luftojnë kërcënimet siç janë sulmet kibernetike, censura online dhe gjuha e urrejtjes.

Me prezantimin e deklaratës së titulluar “Thirrja e Parisit për besim dhe siguri në hapësirën kibernetike”, presidenti francez, Emmanuel Macron ka vënë në pah shpresën për të rijetësuar përpjekjet në drejtim të rregullimit të hapësirës kibernetike pas dështimit të negociatave në këtë aspekt vitin e kaluar në Kombet e Bashkuara.

Në dokumentin e mbështetur nga shumë shtete evropiane, por jo edhe nga Kina apo Rusia, shtetet nëshkruese u kanë bërë thirrje qeverive të rrisin mbrojtjen kundër ndërhyrjeve kibernetike në zgjedhje dhe parandalimin e vjedhjeve të sekreteve tregtare.

Thirrja e Parisit ka qenë fillimisht nismë e kompanive teknologjike, e cila është rihartuar nga zyrtarët francezë, duke përfshirë edhe punën e bërë nga ekspertët e OKB-së në vjetët e fundit.

“Interneti është hapësirë që aktualisht menaxhohet nga komuniteti teknik i lojtarëve privatë. Mirëpo nuk qeveriset. Kështu që tani, kur gjysma e njerëzimit ka qasje online, ne duhet të gjejmë mënyra për ta organizuar Internetin”, ka thënë një zyrtar i zyrës së Macronit, shkruan rel.

“Në të kundërtën, interneti që e njohim sot, i lirë, i hapur dhe i sigurt do të dëmtohet nga kërcënimet e reja”, ka shtuar ai.

@Fluidi

Provo po ashtu

iPhone

Mashtrimi i radhës ndaj përdoruesve të iPhone

Një mashtrim i ri po merr në shënjestër përdoruesit e iPhone dhe përpiqet t’i mashtrojë …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.