Ballina / BOTA / FBI: Krimet kundër myslimanëve në rritje

FBI: Krimet kundër myslimanëve në rritje

Krimet e urrejtjes të raportuara kundër myslimanëve janë rritur në vitin 2015, në nivelin më të lartë, prej atyre që janë parë pas sulmeve terroriste të 11 shtatorit 2001, thuhet në statistikat e agjencisë amerikane FBI, të publikuara sot.

Grupet për të drejtat civile i kishin ngritur shqetësimet për një reagim të ashpër kundër myslimanëve në Shtetet e Bashkuara, edhe para sulmeve terroriste në Paris dhe San Bernardino të Kalifornisë, më vonë atë vit, raporton agjencia AP.

Në periudhën e raportuar përfshihet viti kalendarik 2015, por ai u publikua në periudhën e tensioneve të shtuara pas zgjedhjeve presidenciale të javës së kaluar në Shtetet e Bashkuara.

Në vitin 2015, kishin ndodhur 275 incidente me paragjykime anti-myslimane, krahasuar me 154 incidente që kishin ndodhur një vit më parë, kështu që kjo paraqet një rritje prej 67%.

Numri më i madh i këtyre krimeve ishte shënuar pas sulmeve terroriste më 11 shtator të vitit 2001, kur ishin raportuar 481 incidente kundër myslimanëve.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.