Ballina / KOSOVA / Familjet e te vrarëve komentojnë deklaratat e Shkumbin Mehmetit
te vraret
Disa nga viktimat e vrasjeve të pasluftës.

Familjet e te vrarëve komentojnë deklaratat e Shkumbin Mehmetit

Pas tronditjeve në skenën publike që i bëri rrëfimi i dëshmitarit Shkumbin Mehmetii, i cili doli publikisht me emrat e personave që ky i ngarkon me një numër të vrasjeve të pasluftës, kanë dalur me reagimet e tyre edhe familjarët e personave të vrarë.

Deklaratë e përbashkët e familjeve Zemaj, Tolaj dhe Haklaj

Dje, më datë 11 janar 2018, në emisionin “Zona e Debatit” në Klan Kosova, është transmetuar dëshmia e Shkumbin Mehmetit, dëshmitar i mbrojtur i Prokurorisë Speciale, ku janë dhënë dëshmi tronditëse për krime të pandriçuara në Kosovë.

Në dëshminë e tij, z. Mehmeti, ndër të tjera, ka dhënë informacione që lidhen me vrasjen e Kolonel Tahir Zemajt si dhe të dy policëve hetues, Sebahate Tolajt dhe Isuf Haklajt, duke dëshmuar për motivet që çuan urdhërdhënësit për porositjen e këtyre vrasjeve si dhe duke apostrofuar emra që mund të jenë të përfshirë në kryerjen e këtyre krimeve.

Ashtu si është tronditur mbarë opinioni publik, edhe familjet tona janë tronditur thellë nga deklaratat dhe pretendimet e këtij dëshmitari, njëherit i dënuar për krime të kryera si pjesë e një grupi kriminal, po ashtu i apostrofuar si pjesë e ndërmarrjes së krimeve ndaj familjarëve tanë, Tahir, Hasan, Enis Zemaj dhe Sebahate Tolaj e Isuf Haklaj.

Por, ajo që na ka shqetësuar pa masë është dëshmia e tij në lidhje me neglizhencën e zyrtarëve të shtetit karshi deklaratave dhe pretendimeve të tij.

Jemi thellësisht të indinjuar që pavarësisht pretendimeve të dëshmitarëve të mundshëm që do të çonin në zbardhjen e këtyre vrasjeve, por edhe të shumë krimeve të tjera të kryera në Kosovë me motive politike, prokurorët nuk kanë bërë sa duhet për ta përmbushur obligimin e tyre konform standardeve etike dhe profesionale, duke i lënë këto raste në mëshirën e fatit.

Familjet tona ftojnë Prokurorinë e Shtetit që t’i marrë shumë seriozisht të gjitha pretendimet e këtij dëshmitari dhe dëshmitë e tjera eventuale dhe t’i trajtojë ato me seriozitet, në mënyrë që kryerësit e këtyre krimeve të marrin dënimin e merituar.

Me respekt,

Familjet Zemaj, Tolaj dhe Haklaj

Check Also

Albin Kurti, Vetëvendosje

Vetëvendosje shpall rezultatet: Kurti zgjedhet kryetar pa kundërkandidat

Albin Kurti është zgjedhur Kryetar i Vetëvendosjes dhe ka siguruar mbi 98 për qind të …

Leave a Reply

Your email address will not be published. Required fields are marked *