Ballina / Kulturë / Ekspozitë për lajmet e rreme në Bruksel
Armatosja e lajmit dhe fajtori i madh i kohës sonë

Ekspozitë për lajmet e rreme në Bruksel

“Lajmet e rreme” nuk janë të reja, thuhet në një ekspozitë e cila i fton vizitorët në Bruksel të shohin paralelet me Gjermaninë Naziste, transmeton Reuters.

Ekspozita në hapësirat e Parlamentit Evropian fokusohet në atë, se si partia naziste ka përdorur propagandën dhe mediat për t’i ndihmuar Adolf Hitlerit për të fituar fuqi në Gjermani.

Kuratori, Steven Luckert, i cili ka dërguar ekspozitën në kryeqytetin e Bashkimit Evropian nga Uashingtoni, ka thënë se taktikat pasqyrojnë strategjitë e partive populliste të ditëve të sotme.

Ekspozita, Shtet i Mashtrimit: Fuqia e Propagandës Naziste, është inspiruar nga shumë muaj të debateve se sa shumë kanë mundur të ndikojnë lajmet e rreme në fushatën presidenciale dhe zgjedhjen e presidentit amerikan, Donald Trump.

Luckert shpreson se kjo do të ndihmojë në luftimin e rritjes së racizmit dhe anti-semitizmit në Evropë.

“Janë disa aspekte frikësuese të kulturës bashkëkohore dhe shoqërisë me rritjen e lëvizjeve të së djathtës ekstreme në disa vende”, ka thënë ai.

Përmes fotografive, gazetave të vjera, sloganeve dhe materialeve te tjera të partisë naziste, ekspozita tenton të vë në pah se si është rritur fuqia e kësaj partie në parlamentin gjerman nga 6.5 për qind në 33.3 brenda tetë vitesh.

“Propaganda funksionon jo vetëm në ndryshimin e opinionit, mirëpo edhe në mënyrën se si ju silleni”, ka thënë ai.

Ekspozita do të qëndrojë e hapur në Parlamentin Evropian deri më 13 maj.

@Fluidi

Provo po ashtu

sfinks egjipt

Pse nuk kanë hundë statujat egjiptiane

Pyetje se përse shumë statuja egjiptiane kanë hundën e thyer ka rritur kuriozitetin tek të …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.