Ballina / KOSOVA / Dyshime për helmim në Mitrovicë, 116 persona kërkojnë ndihmë
mitrovicë

Dyshime për helmim në Mitrovicë, 116 persona kërkojnë ndihmë

Zyra e drejtorit të Përgjithshëm e SHSKUK-së ka pranuar një informatë nga Spitali i Përgjithshëm i Mitrovicës, “dr. Sami Haxhibeqiri”, sipas të cilës, sot nga ora 11:30, kanë filluar të paraqiten në shërbimin emergjent të këtij Spitali, disa persona të dyshuar si raste të helmimit e që kanë kërkuar ndihmën mjekësor.

Nga statistikat zyrtare të Spitalit, rezulton se 116 persona, kryesisht të rinj në moshë, prej tyre edhe nxënës, kanë kërkuar ndihmë mjekësore, me shenja që flasin për një helmim të mundshëm, ka bërë të ditur SHSKUK, nëpërmjet një njoftimi.

Spitali ka angazhuar të gjitha kapacitetet me të gjitha repartet dhe stafin dhe që të gjithëve u është dhënë ndihma mjekësore nga stafi profesional.

Sipas njoftimit nga SHSKUK, nga mjekët kujdestar në Klinikën Infektive raportohet se 3 raste janë transferuar në këtë Klinikë si raste që kanë pasur nevojë të trajtim të mëtejmë dhe janë jashtë rrezikut.

Shumica e rasteve janë liruar nga Spitali i Mitrovicës, por ka ende pacientë që janë në mjekim e sipër.

 

Check Also

Gjinekologut turk Ahmet Payasli i ndalohet puna në Prishtinë

Gjatë ditës së sotme Inspektorati i Ministrisë së Shëndetësisë do t’ia ndalojë punën gjinekologut turk …

Leave a Reply

Your email address will not be published. Required fields are marked *