Albin Kurti, Vetëvendosje

Dështoi sërish seanca ndaj Kurtit, policia s’mundi ta gjejë

Policia e Kosovës ka konfirmuar se nuk ka arritur ta gjejë dhe ta sjellë në seancë deputetin e Vetëvendosjes, Albin Kurti, i akuzuar për hedhje gazi në Kuvendin e Kosovës.

Me këtë rast dështoi sërish seanca ndaj Albin Kurtit, Donika Kadaj-Bujupit, Albulena Haxhiut dhe Faton Topallit për shkak të mungesës së Kurtit dhe Kadaj-Bujupit edhe pse kishte urdhër gjykate për sjellje me detyrim.

Tani Policia e Kosovës ka konfirmuar se afati i caktuar nga gjykatësi ka qenë që deri në orën 9:00 të martën Kurti të sillej para gjykatës. Megjithatë, pavarësisht kërkimeve në disa lokacione Kurti nuk është gjetur nga Policia e Kosovës, ka konfirmuar zëdhënësja për Rajonin e Prishtinës, Flora Ahmeti.

Seanca tjetër është caktuar për në fund të nëntorit dhe përsëri Gjykata ka lëshuar urdhër për sjellje me detyrim për Kurtin e Kadajn.

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.